Tuesday, May 13, 2008

ഓര്‍കുട്ടിലെ ഒരു കള്ളനാണയം



ഈ വിവരണത്തില്‍ പറഞ്ഞിരിക്കുന്ന സംഭവം തികച്ചും ഒരു സാങ്കല്പികം മാത്രമാണെന്ന് ഞാന്‍ ഒരിക്കലും പറയില്ല.കാരണം, അത് ശരിക്കും സംഭവിച്ചതാണ്.ഇതില്‍ പറയുന്ന ആളുകള്‍ ശരിക്കും ജീവിച്ചിരിപ്പുണ്ട്‌.പക്ഷെ, എനിക്ക് എന്‍റെ ശരീരത്തിനു അംഗവൈകല്യം വരുത്താന്‍ താത്പര്യം ഇല്ലാത്തതു കൊണ്ടു ചില ചില്ലറ സൂത്രപണികള്‍ നടത്തിയിട്ടുണ്ട്.അതായത്,പേരുകള്‍ മാറ്റിയിട്ടുണ്ട്.ഇതു ഇവിടെ ദോഹയില്‍ വച്ചു നടന്ന സംഭവം....പിന്നെ പറഞ്ഞു കേട്ടതായത് കൊണ്ടു ഇതില്‍ എത്രമാത്രം വള്ളി,പുള്ളി,എരിവ്,പുളി,മസാലകള്‍ ചേര്‍ന്നിട്ടുണ്ട് എന്നെനിക്കറിയില്ല.ഇതു നടന്ന സംഭവമാണ്. അത് സത്യം മാത്രം.എനിക്കറിയാം,ഈ പോസ്റ്റ് വായിച്ചു എന്നെ പിച്ചികീറാന്‍ തോന്നുന്നവര്‍ ഉണ്ടാകും.എന്നാലും എനിക്ക് പറയാനുള്ളത് പറയട്ടെ..... ഓര്‍കുട്ടിലൂടെ പരിചയപ്പെട്ടു കൊലപാതകം വരെ നടത്തിയവര്‍ ഈ ലോകത്ത് ജീവിച്ചിരിപ്പുണ്ട്‌...!!!അപ്പോള്‍,പിന്നെ ഇതൊരു സംഭവമേ അല്ല..


സംഭവം തുടങ്ങുന്നതിങ്ങനെ : രഹന കെട്ട്യോനും,കുട്ട്യോളും ഓഫീസിലും,സ്കൂളിലും പോയപ്പോള്‍ വീട്ടു ജോലികള്‍ കഴിഞ്ഞു പതിവു സമയം കൊല്ലലിലേക്ക് കടക്കുന്നു.ഓര്‍കുട്ടിംഗ്,ചാറ്റിംഗ്,മെയിലിംഗ്...എന്നിവ തകൃതിയായി നടക്കുന്നു.അല്ലാതെ ഇവിടെ ദോഹയില്‍ പറമ്പില്‍ പോയി തെങ്ങിന് വെള്ളമോഴിക്കാണോ,വാഴയ്ക്ക് പുതിയ കൂമ്പ്‌ വന്നോ എന്നൊന്നും നോക്കാന്‍ പറ്റില്ലല്ലോ..ഓര്‍ക്കുട്ട് ഓപ്പണ്‍ ചെയ്തപ്പോള്‍ പുതിയ ഒരു "ഫ്രണ്ട് റിക്വസ്റ്റ് ".ഒരു ഗോപു...പ്രൊഫൈല്‍ വിശദമായി പഠിച്ചു.ഇല്ല,ഒരു രക്ഷയും ഇല്ല.ഒരു പിടിയും കിട്ടുന്നില്ല.സ്ക്രാപ്പ് ബുക്ക് തുറന്നപ്പോള്‍ ഒരു സ്ക്രാപ്പും."ഓയ്,ചേച്ചി..ഞാനും ദോഹയില്‍ എത്തിയ ഒരു എറണാകുളംകാരനാനേ.ഫ്രണ്ട്സ് ലിസ്റ്റില്‍ ഒന്നു ആഡ് ചെയ്യണേ..ഞാനൊരു പാവം അനിയന്‍.." വെറുതെയെന്തിനു പുലിവാല് പിടിക്കണം?ഉടനെ മറുപടി കൊടുത്തു."പരിചയം ഇല്ലാത്തവരെ എന്തിന് ആഡ് ചെയ്യണം? പോയി പണിനോക്കൂ മാഷേ"..ആ സ്ക്രാപ്പ് പോസ്റ്റ് ചെയ്ത ഉടന്‍ അവിടെ നിന്നും അടുത്ത റിപ്ലെ "എനിക്കും,അമ്മേം പെങ്ങളും ഒക്കെ ഉണ്ട്.അല്ലാതെ മാനത്ത്‌ നിന്നും പൊട്ടി വീണതൊന്നും അല്ല." അതില്‍ രഹ്ന വീഴുന്നു. ഇവന്‍ ആള് കൊള്ളാമല്ലോ.. ഫ്രണ്ട്സ് ലിസ്റ്റില്‍ ആഡ് ചെയ്യുന്നു.


എന്നും രാവിലെ രസകരമായ സ്ക്രാപ്പ് കണികള്‍.ശരിക്കും ഒരു സുഹൃത്ത്ബന്ധം ക്രമേണ ശക്തിപ്പെട്ടു.അതോ,ഒരു സഹോദര ബന്ധമോ?"ചേച്ചി" എന്ന് വിളിക്കുമ്പോള്‍ തന്നെ രണ്ടു ബക്കറ്റ് തേന്‍ മഴ!!ചേച്ചിക്കും അങ്ങനെ തന്നെ.ചുരുക്കി പറഞ്ഞാല്‍ രണ്ടുപേരും നല്ല ക്ലോസ് ഫ്രണ്ട്സ് ആയി.തമ്മില്‍ കണ്ടിട്ടില്ലെങ്കിലും ആത്മാര്‍ത്ഥത മുന്നിട്ടു മുഴച്ചു നിന്നു.വീട്ടിലെ കറി മുതല്‍ തലേ ദിവസം കണ്ട സിനിമ വരെ സ്ക്രാപ്പ്നു വിഷയങ്ങളായി.ചേച്ചിയുടെ കുട്ടികളെ സ്നേഹിക്കാനും,അവരുടെ കുസൃതികള്‍ അന്വേഷിക്കാനും ഗോപു കാണിച്ച ഒരു ശുഷ്കാന്തി!!! ഇടയ്ക്ക് ഗോപുവിന്റെ ഒരു ടെസ്ടിമോണിയലും!!!! "എന്‍റെ പ്രിയപ്പെട്ട ചേച്ചിക്ക് പിറക്കാതെ പോയ അനിയന്‍".... അതുകണ്ട്‌ രഹന യുടെ കണ്ണും,മനസ്സും ഒപ്പം നിറഞ്ഞു.അഭിമാനത്തോടെ ഭര്‍ത്താവ് ബഷീര്‍ ഇക്കയ്ക്ക് കാണിച്ചു കൊടുത്തു. ബഷീര്‍ മൊഴിഞ്ഞു."ചെക്കന്‍ നല്ല വാചക കസര്‍ത്ത് ആണല്ലോ..

"അതിനിടയില്‍ രഹ്നയുടെ മോന്റെ പിറന്നാള്‍ വരുന്നു. വീടും,അഡ്രസ്സും കൃത്യമായി പറഞ്ഞു കൊടുത്തുകൊണ്ട്‌ ബഷീര്‍ ഇക്കയുടെ സമ്മതത്തോടെ ഗോപു വിനെ പിറന്നാളിന് ക്ഷണിക്കുന്നു. "വരണം"."ഇല്ല,ഞാന്‍ വരില്ല.ഇങ്ങനെ നിങ്ങളുടെ കാണാമറയത് ഇരിക്കുന്ന അനിയനായാല്‍ മതി".ഒരു ഫോട്ടോ ഇടാത്തത് എന്താ?രഹന ചോദിച്ചു."ഈ പെണ്‍കുട്ടികളെ കൊണ്ടുള്ള ശല്യം. ഫോട്ടോ കണ്ടു അവരൊന്നും പുറകെന്നു മാറുന്നില്ല. " ഇതുകേട്ടു രഹന ചിരിച്ചു കുത്തി മറിഞ്ഞു. ഗോപു അവന്റെ ഫോട്ടോയ്ക്ക്‌ പകരം രജനീകാന്ത്ന്‍റെ ഫോട്ടോയും മറ്റും മാറി മാറി ഇട്ടു തുടങ്ങി... പ്രൊഫൈല്‍ നെയിം എന്നും സ്ഥിതി ഗതി,കാലാവസ്ഥാ വ്യതിയാനങ്ങള്‍ക്കനുസരിച്ചു മാറ്റുന്നു.ചേച്ചി ചോദിച്ചപ്പോള്‍ പറഞ്ഞു,അതൊക്കെ ഒരു സ്റ്റൈല്‍ അല്ലെ,ചേച്ചീ. അങ്ങനെ ഗോപു പലപ്പോഴും സ്റ്റൈല്‍ മന്നനും,സൂപ്പര്‍സ്റ്റാര്‍ഉം ഒക്കെയായി ഓര്‍കുടില്‍ വിലസി..

ഒരുദിവസം രാത്രി പതിവില്ലാത്ത സമയത്തു രഹ്നയെ ഓണ്‍ ലൈനില്‍ കണ്ടപ്പോള്‍ ഗോപു ചോദിച്ചു.."ഇതെന്തു പറ്റി,ഈ സമയത്തു ഓണ്‍ലൈന്‍ വരാറില്ലല്ലോ..?".."ബഷീര്‍ ഇക്ക മസ്കറ്റില്‍ പോയിരിക്കുന്നു.ഒരു ഒഫീഷ്യല്‍ ട്രിപ്പ്‌.നാളെ കഴിഞ്ഞേ എത്തൂ."അവന്‍ തിരിച്ചു മൊഴിഞ്ഞു."ഓക്കേ,ബൈ ചേച്ചീ..പിന്നെ കാണാം." അര മണിക്കൂര്‍ കഴിഞ്ഞില്ല.അതിന് മുന്പേ രഹ്നയുടെ ഡോര്‍ ബെല്ലടിച്ച ശബ്ദം. ഗ്രോസെരിയില്‍ നിന്നു സാധനങ്ങള്‍ ഓര്‍ഡര്‍ ചെയ്തിട്ടുണ്ടായിരുന്നത് കൊണ്ടു സംശയം തോന്നിയില്ല.വാതില്‍ തുറക്കുന്നു.പല്ലു കാട്ടിചിരിച്ചു കൊണ്ടു ഒരു അപരിചിതന്‍!!! സംശയിച്ചു നില്‍ക്കുമ്പോള്‍ അയാള്‍ തന്നെ പരിചയപ്പെടുത്തി."മനസ്സിലായില്ലേ..ഞാനാ ഗോപു"."ഗോപു" ... രഹ്ന കുറച്ചു നേരം ആശയകുഴപ്പത്തിലായി.അവന്‍ തന്നെ സംശയം തീര്‍ത്തു."ചേച്ചീ...ഞാന്‍ ഒര്കുടിലെ ഗോപു".."ഓഹോ..നീയോ?വാ കടന്നിരിക്ക്.ഞാന്‍ വിചാരിച്ചു,ഗ്രോസെര്രി ബോയ്‌ ആയിരിക്കും എന്ന്.കുട്ടികളെ കാണണ്ടേ?".ഷംനയെയും അക്കുവിനെയും വിളിച്ചു മാമനെ കാണിക്കുന്ന തിരക്കില്‍ നമ്മുടെ ഗോപു,സ്നേഹം കാണിക്കുന്ന അനിയനില്‍ നിന്നും രൂപാന്തരം പ്രാപിച്ചു ഒരു വില്ലനിലേക്ക് എത്തിയിരുന്നു.അവന്‍,രഹ്നയെ എവിടെയോ കയറി പിടിച്ചു !!!!രഹ്ന പക്ഷെ,പിറക്കാതെ പോയ അനിയനില്‍ നിന്നും ഇതു തീരെ പ്രതീക്ഷിച്ചില്ലല്ലോ.കുട്ടികള്‍ പേടിക്കുന്നു,രഹ്ന ഞെട്ടിതെറിക്കുന്നു,കാര്യങ്ങള്‍ വഷലാകുന്നു.പ്രതികരണം അയാള്‍ ഫ്ലാറ്റുകളില്‍ കേള്‍ക്കുന്നു.അയല്‍ ഫ്ലാറ്റുകളില്‍ നിന്നും ആളുകള്‍ ഓടിയെത്തി കാരണം അന്വേഷിക്കുന്നു.


രക്ഷപ്പെടാനായി ഗോപു പറയുന്നു,"ഇക്ക ഇല്ലാതോണ്ട് രഹ്ന ചേച്ചി വിളിച്ചിട്ട് വരാന്‍ പറഞ്ഞു! അങ്ങനെ വന്നതാണ്".... അന്ന് രഹ്ന ഉറപ്പിച്ചു,ഭൂമി കറങ്ങുന്നത് അതിവേഗത്തില്‍ തന്നെ എന്ന്.തന്‍റെ നിരപരാധിത്വം വെളിപ്പെടുതുന്നതിനു പലതും പറഞ്ഞു നോക്കുന്നു.അയല്‍ക്കാര്‍ എന്ത് വിശ്വസിക്കും?ഓര്‍കുട്ടില്‍നിന്നും പരിചയപ്പെട്ട "ഒരുത്തന്‍" വീട്ടില്‍ വന്നു,"മിസ്‌ബിഹെവ്" ചെയ്തു എന്ന ഒരു കാര്യം അവര്ക്കു തൊണ്ട തൊടാതെ വിഴുങ്ങാനായില്ല.അവര്‍ ബഷീറിന്റെ സുഹൃത്തുക്കളെ വിളിച്ചു വരുത്തുന്നു.തുടര്‍ നടപടികള്‍ക്കായി ശ്രമം തുടരുന്നു.

പരാതി പോലീസ് സ്റ്റേഷന്‍ വരെ എത്തുന്നു.ഫ്ലാറ്റിലെ സെക്യൂരിറ്റി യാണ് പോലീസ് നെ അറിയിച്ചത്.എന്തായാലും ബഷീര്‍ ഇക്ക വരാതെ ഒന്നും നടക്കില്ലെന്ന അവസ്ഥ.ഒരു സുഹൃത്ത് മസ്കറ്റില്കു വിളിക്കുന്നു." ഡാ , ബഷീരെ, നീയൊന്നു വേഗം വന്നേ !!!...കിട്ടുന്ന ഫ്ലൈറ്റ് പിടിച്ചു പോരെ,ഇവിടൊരു സംഭവം നടന്നു.നിന്‍റെ ഭാര്യയേയും ,ഒരു ചെക്കനേയും നിങ്ങള്‍ടെ ഫ്ലാറ്റില്‍ നിന്നു പിടിച്ചു !!! അയല്‍ക്കാരാ ഞങ്ങളെ അറിയിച്ചത്".എന്തായിരിക്കും ബഷീര്‍ ഇക്കയുടെ അവസ്ഥ എന്ന് പറയേണ്ടതില്ലല്ലോ....!!! മൂപ്പര് ഒരുകണക്കിന് ഏന്തി,വലിഞ്ഞു ഭാര്യയുടെ "ദുര്നടപ്പിനെ" പറ്റി ചിന്തിച്ചു സ്ഥലത്തെത്തി.

ഇനി പോലീസ് സ്റ്റേഷനിലെ കാഴ്ച : പറഞ്ഞു കേട്ടതായത് കൊണ്ടു അലങ്കാര പണികളൊക്കെ നടത്തി ഒന്നും കൂട്ടി എഴുതാന്‍ നിര്‍വാഹം ഇല്ല. വളരെ ചുരുക്കി പറയാം.ഖത്തര്‍ പോലീസിനു കാര്യം അറിഞ്ഞു പുച്ഛം!! എന്തുകൊണ്ട് ഇങ്ങനെ പെരുമാറി എന്ന ചോദ്യത്തിന് ഗോപുവിന്റെ ഉത്തരം ഇങ്ങനെ: "ഓ,അല്ലേലും എനിക്ക് പ്രായത്തില്‍ മൂത്തവരോടാ "ക്രേസ്". ഞാന്‍ സ്ക്രാപ്പ് ഇട്ടില്ലെങ്കിലും ഈ ചേച്ചി ഗുഡ്മോര്‍നിംഗ് പറഞ്ഞു ഇങ്ങോട്ട് മുട്ടാന്‍ വരാരുണ്ടല്ലോ"..രഹ്ന ഇതു കേട്ട്‌ നെറുകയില്‍ കൈ വച്ചു.ബഷീര്‍ നെഞ്ചത്തും.ബഷീറിന്റെ കൂട്ടുകാര്‍ മൂക്കത്ത്‌ വിരല്‍ വച്ചു.


കരച്ചില്‍,പിഴിച്ചില്‍,തെറി വിളി...എല്ലാം മുറയ്ക്ക് നടന്നു.ഗോപുവിന്റെ ബന്ധുക്കളില്‍ ചിലര്‍ ദോഹയില്‍ ഉണ്ടായിരുന്നു.അവര്‍ സാമാന്യം നന്നായി മുറുക്കെ തന്നെ ബഷീര്‍ ഇക്കയുടെ കാല് പിടിച്ചത് കൊണ്ടു സംഭവം "കോബ്രമൈസ് ടോക്ക്" ഇല്‍ ഒതുക്കി.വീട്ടില്‍ തിരിച്ചെത്തി എന്ത് സംഭവിചിരിക്കും എന്ന് നമുക്കു നമ്മുടെ ഭാവനാ സമ്പത്ത് പോലെ ഊഹിചെടുക്കാം.തല്‍ക്കാലം,ഭാര്യയുടെ ദുര്നടപ്പ് നിമിത്തം ബഷീറിക്ക,ഒന്നു പുറത്തു ഇറങ്ങണം എങ്കില്‍, സാമാന്യം നല്ല വീതിയും നീളവും ഉള്ള ഒരു തോര്‍ത്ത് മുണ്ട് തലയില്‍ ഇടേണ്ടി വന്നു.രഹ്ന ഓര്‍ക്കുട്ട് അക്കൌണ്ട് തന്നെ ഡിലീറ്റ് ചെയ്യാന്‍ നിര്‍ബന്ധിതയായി.ഭര്‍ത്താവിന്റെ സാന്നിധ്യത്തില്‍ തന്നെ ഓര്‍ക്കുട്ട് തുറന്നു.ഒന്നും സംഭവിക്കാത്ത മട്ടില്‍ ഗോപുവിന്റെ സ്ക്രാപ്പ് "ചേച്ചി,ഗുഡ്മോര്‍നിംഗ്.എന്തൊക്കെയുണ്ട്‌ വിശേഷങ്ങള്‍?" !!!! എങ്ങനെയുണ്ട് അനിയന്റെ സ്നേഹം? മറുനാട്ടില്‍ എന്നും മലയാളിക്ക്‌ പാര മലയാളി തന്നെ എന്ന സത്യം ഇതിലൂടെ ഒന്നു കൂടി ഊട്ടി ഉറപ്പിക്കാം….

ഇനി ഇവിടെ എന്‍റെ വീട്ടില്‍ നടന്നത് : ഈ സംഭവം പാട്ടായത്തില്‍ പിന്നെ, എന്‍റെ ഭര്‍ത്താവ് ഒരു കൊച്ചു ക്രൂരനായി മാറി.എന്‍റെ ഓര്‍ക്കുട്ട് "പഞ്ചാരക്ക്' ഭീഷണിയായി അദ്ദേഹം നിലകൊള്ളും എന്ന ഒരു അവസ്ഥ.മൂപ്പര് എന്‍റെ ഫ്രണ്ട്സ് ലിസ്റ്റ് എടുത്തു വച്ചു ഒരു "പോസ്റ്റ്മോര്‍ട്ടം" തന്നെ നടത്തി - "ഇതാരാ?,അപ്പൊ പിന്നെ അതോ? " ഇത്തരം ചോദ്യങ്ങളില്‍ ഞാന്‍ വീര്‍പ്പുമുട്ടി.എനോക്കൊരു മുന്നറിയിപ്പ് പിന്നാലെ വന്നു."നാളെ തൊട്ടു ഒറ്റ പരിചയമില്ലാതവരും നിന്‍റെ ഫ്രണ്ട്സ് ലിസ്റ്റില്‍ വേണ്ട.എന്‍റെ തനി രൂപം നീയായിട്ടു പുറത്തു എടുപ്പിക്കരുത്."

സലിം കുമാര്‍ "കുഞ്ഞിക്കൂനന്‍"എന്ന സിനിമയില്‍ പറഞ്ഞതു പോലെ ഞാന്‍ പറഞ്ഞു,"എന്നെ ഇങ്ങനെ ഭീഷണിപ്പെടുതെണ്ട കാര്യം ഒന്നും ഇല്ല.(സലിം കുമാര്‍ പക്ഷെ പറഞ്ഞതു-എന്നെ തല്ലേണ്ട കാര്യം ഇല്ല എന്നായിരുന്നു).വെറുതെ ഒന്നു പേടിപ്പിച്ചാല്‍ മതി.ഞാന്‍ നന്നായിക്കോളും.". പിറ്റേ ദിവസം തന്നെ എന്‍റെ ഫ്രണ്ട്സ് ലിസ്റ്റില്‍ ഞാനും ഒരു ശുദ്ധികലശം നടത്തി.അങ്ങനെ ഞാന്‍‌ വലിയ ഹൃദയ വേദനയോടെ ഓര്‍ക്കുട്ടില്‍ നിന്നും കിട്ടിയ അഞ്ചു - ആറു പേരെ ഔട്ട് ആക്കി.കാരണം മറ്റൊരു രഹനയാവാന്‍ ഞാന്‍ ആഗ്രഹിക്കുന്നില്ല.ഒരു ഭര്‍ത്താവും കേള്‍ക്കാന്‍ പാടില്ലാത്ത കാര്യം പോലീസ് സ്‌റ്റേഷനില്‍ വച്ചു - അതും കൂട്ടുകാരുടെ മുന്നില്‍ വച്ചു കേള്‍പ്പിക്കാന്‍ ഞാന്‍ ആഗ്രഹിക്കുന്നില്ല.മുന്‍ പരിചയവും,അതിന്‍റെ സര്‍ട്ടിഫിക്കറ്റ്‌ വേരിഫികേഷന്‍ എല്ലാം കഴിഞ്ഞേ ഞാന്‍ ഇപ്പോള്‍ ഓര്‍കുടില്‍ ഫ്രണ്ട്സ് ആയി ആളെ എടുക്കുന്നുള്ളൂ.അങ്ങനെ ഞാനും നന്നായി.




78 comments:

smitha adharsh said...

ഓര്‍കുടിലൂടെ ഉണ്ടായ ഒരു ചതിയെ പറ്റി....

പ്രിയ said...

:( ഓര്കൂട്ടിന്റെ അല്ലെങ്കില് ഓണ്ലൈന് സൌഹൃദത്തിന്റെ മറ്റൊരു ചീത്ത മുഖം. കള്ളനാണയങ്ങള് ഒത്തിരി ഒത്തിരി ഉണ്ട്. എങ്ങനെ അറിയും വിശ്വസിക്കാമോ ഇല്ലയോ എന്ന് ? :(

ചീര I Cheera said...

ഓര്‍കുട് ഇവിടെ ബ്ലോക് ചെയ്തപ്പോള്‍ ഒരിത്തിരി സങ്കടൊക്കെ തോന്നിയിരുന്നു,
എന്റെ കസിന്‍സാണ് ആകെപ്പാടെയുണ്ടായിരുന്ന ഫ്രന്‍ഡ്സ്, പിന്നെ പരിചയമില്ലാത്തവരാണെങ്കില്‍ കൂ‍ൂളായി “നോ” പറഞ്ഞിരുന്നു, നോ പറയാനുള്ള സന്തോഷം കൊണ്ട്. :)
മുഖം കാണാതെ, ഒന്നൂ നേരിട്ട് പരിചയപ്പെടാതെ, കുറച്ചു കാലങ്ങള്‍ കഴിയാതെ, ബന്ധം വളരാതെ എങ്ങനെ ഫ്രന്‍ഡ്സ് ആവുമെന്ന് എനിയ്ക്ക് അന്നും ഇന്നും മനസ്സിലാവാറില്ല.

ഇപ്പോള്‍ ഇങ്ങനെ കേള്‍ക്കുന്നത് വിരളമല്ലാതായി തുടങ്ങിയിരിയ്ക്കുന്നു.

Unknown said...

ഓര്‍ക്കുട്ടിലും ഓണ്‍ലൈനിലും പലതരം ചതികളും തട്ടിപ്പുകളും നടക്കുന്നുണ്ട്. ഇന്‍റര്നെറ്റ് തട്ടിപ്പുകളുടെ കഥ പണേട് പല രാജ്യങ്ങളില്‍ നിന്നും പുറത്തു വന്നിട്ടുണ്ട്. സാന്പത്തിക തട്ടിപ്പുകളാണേറെ.
ഈ സംഭവം സരസമായും ചിന്തോദ്ദീപകമായും അവതരിപ്പിച്ച സ്മിതക്ക് അഭിനന്ദനങ്ങള്‍.

എന്‍.ബി -പോസ്റ്റുകള്‍ വായിച്ച് ആരാധന തോന്നിയപ്പോള്‍ ഒരു ഫ്രണ്ട് റിക്വസ്റ്റ് അയക്കണമെന്ന് കരുതിയിരുന്നു. ഇനിയിപ്പോള്‍ അത് ചെയ്യുന്നില്ല.

പ്രവീണ്‍ ചമ്പക്കര said...

സംഭവിച്ചത് എന്നു പൂര്‍ണമായി വിശ്വസിക്കൂന്നു. കേവലം നെറ്റ് വഴി മാത്രം പരിചയം ഉള്ള ഒരാള്‍ക്ക് വിലാസം പറഞ്ഞുകൊടുക്കുകയും ഭര്‍ത്താവു സ്ഥലത്തില്ല എന്നു പറഞ്ഞതും വലിയ മണ്ടത്തരം....

Unknown said...

ഓര്‍ക്കുട്ട് യു.എ.ഇ.യില്‍ നിരോധിച്ചിരിക്കുകയാണ്.സെക്സ് പ്രചരിപ്പിക്കുന്നു എന്നതാണ് കാരണം.ഓര്‍ക്കുട്ടില്‍ ചില സൈറ്റൊക്കെ നോക്കിയാല്‍ കണ്ണൂ തള്ളി പോകും
എന്തു വൃത്തി കേടും കാട്ടാം എന്നുള്ളതാണ് സത്യം
എതായാലും അതിലും ഭേദം ഈ ബ്ലോഗ് ലോകം
തന്നെ

ഫസല്‍ ബിനാലി.. said...

ഭാര്യയ്ക്ക് ഒരു മൊബൈല്‍ കണക്ഷനും പിന്നെയൊരു നെറ്റ് കണക്ഷനും ഒരുക്കി കൊടുത്ത് വിശാല മനസ്ക്കത കാണിക്കുന്ന ഭര്‍ത്താക്കന്മാര്‍ക്ക് രണ്ട് നല്ല നമസ്ക്കാരം

തറവാടി said...

നല്ല പോസ്റ്റ് :)

പ്രവീണ്‍ ചമ്പക്കര said...

അനൂപിന്റെ അഭിപ്രായത്തൊടു യോജിപ്പില്ല. സെക്സ് കണ്ട്ന്റ്റ് ഉള്ള കമ്യൂണിറ്റി ബ്ലൊക്ക് ചെയ്യുന്നതിനോട് യോജിക്കുന്നു.ലോകത്ത് എന്തിലും നല്ലതും ചീത്തയും കാണും .അത് ഉപയോഗിക്കുന്നവരുടെ സ്വഭാവം പോലെ ഇരിക്കും. ഒരു കത്തി കൊണ്ട് ഒരാള്‍ മറ്റൊരാളെ കുത്തികൊന്നു എന്നതുകൊണ്ട് കത്തി നിരൊധിക്കുന്നതാണോ നല്ലത്?

ഉഗാണ്ട രണ്ടാമന്‍ said...

P.R പറഞ്ഞത്തിനോട് യോജിയ്ക്കുന്നു

പ്രിയ said...

ചീത്ത മുഖം എന്ന് പറഞ്ഞതു കൊണ്ടു ഒര്കൂട്ടോ ഓണ്ലൈന് സൌഹൃതമോ മൊത്തം അങ്ങനെ ആണെന്ന് ഞാന് പറയുന്നില്ലട്ടോ. കാരണം ശരിക്കും വിലയേറിയ പല സുഹൃത്ബന്ധങ്ങളും ഈ ഓര്ക്കുട്ട് വഴി തന്നെ എനിക്ക് ലഭിച്ചിട്ടുണ്ട്.ശരിക്കും അടുത്തറിഞ്ഞു പരിചയമുള്ള സുഹൃത്തുക്കളെപ്പോലെ പോലെ തന്നെ വിശ്വസിക്കാവുന്നവര്. ഒരിക്കലും നേരിട്ടു കണ്ടിട്ടില്ലാത്തവര്. പക്ഷെ അതൊന്നും വെറും ഹായ് ബൈ സ്ക്രാപ്പ് വഴി അല്ലായിരുന്നു. മറിച്ചൊരു അടുക്കും ചിട്ടയും ഉള്ള കമ്യൂണിറ്റി വഴി ആയിരുന്നു. അതില് തന്നെ പല ഡിസ്സ്കഷനിലും ഉള്ള അവരുടെ അഭിപ്രായങ്ങളും മറ്റും ഒരാളെ കുറച്ചെങ്കിലും മനസിലാക്കാന് ആകും.(എന്റെ വിശ്വാസം :) )

:) ഓര്ക്കുട്ട് എതിസലാത് പണ്ടു തന്നെ ബ്ലോക്ക് ചെയ്തതായിരുന്നു. പിന്നിട് ബ്ലോക്ക് അല്ലതാക്കി. പിന്നെ ഒരു വര്ഷം ( എന്ന് കരുതുന്നു ) പിന്നെയും ബ്ലോക്ക് ചെയ്തു. എങ്കിലും ഇന്നും പല മലയാളം കമ്മുണിറ്റികളുടെയും ആക്റ്റീവ് മേംബെര്സ് മ്മള് തന്നാണേ :D

പിന്നെ പലരും പറയുന്നു ഭാര്യക്ക് മൊബൈലും നെറ്റ് കണക്ഷനും കൊടുത്താല് ഉണ്ടാകുന്ന പ്രശ്നം ആയി. ഇന്റര്നെറ്റ് എന്നത് ലോകത്തിന്റെ മാറ്റം തന്നെയാ . അത് കുടുംബത്തില് ഉപയോഗം ഉള്ളത് തന്നെ . അതില് പിന്തിരിഞ്ഞു നിന്നാല് എന്ത് യോഗ്യത?

ഓര്‍മ്മകള്‍ ഉണ്ടായിരിക്കേണം.... said...

ഇന്റെര്‍നെറ്റില്‍ പണ്ടൊക്കെ ആള്‍ക്കാര്‍ പോര്‍ണ്‍ സൈറ്റുകള്‍ നോക്കുമായിരുന്നു, ഇന്ന് അതിനേക്കാള്‍ വഷളാണു ഓര്‍ക്കൂട്ട്. വീട്ടമ്മമാരേയും കോളേജ് വിദ്യാര്‍ത്ഥിനികളേയും ഇരയാക്കാന്‍ എത്രയോ ഗോപുമാര്‍........ഇവന്മാരുടെ ചതിയില്‍ ഇനിയാരും വീഴരുതേ എന്നു നമുക്കു പ്രാര്‍ഥിക്കാം ........ രഹനയുടെ അനുഭവം ചൂണ്ടിക്കാട്ടിയതിനു നന്ദി.

Unknown said...

കൂട്ടുകാരെ, ഓര്‍ക്കുട്ടിന് പുറമെ പുതിയ കൂട്ടുകെട്ടിന് ഗൂഗിള്‍ ഒരുക്കുന്ന സംവിധാനം ഇന്ന് നിലവില്‍ വരും. താഴെയുള്ള ലിങ്കില്‍ വാഷിംഗ്ടണ്‍ പോസ്റ്റിലെ വാര്‍ത്ത വായിക്കുക.

http://www.washingtonpost.com/wp-dyn/content/article/2008/05/12/AR2008051202925.html

അശ്വതി/Aswathy said...

സ്മിതാ ഇങ്ങനെ ഒരു പോസ്റ്റ് വേണ്ടത് തന്നെ.
അപരിചിതരായവരെ യാതൊരു കാരണവശാലും ഫ്രണ്ട്സ് ലിസ്റ്റില്‍ ഉള്‍പെടുത്താന്‍ പാടില്ല...
ഇല്ലവര്‍ക്കും രേഹന യുടെ കഥ ഒരു പാഠം ആയിരിക്കട്ടെ.

കാപ്പിലാന്‍ said...

ഓര്‍കുട്ടിനെ കുറിച്ച് എനിക്ക് നല്ലത് തന്നെയാണ് പറയാന്‍ ഉള്ളത് .പിന്നെ എവിടെയും കാണുമല്ലോ ചില കള്ള നാണയങ്ങള്‍ .എനിക്ക് ധാരാളം സുഹൃത്തുക്കള്‍ ( പെണ്ണും ,ആണും ) അവിടെയുണ്ട് .പഴയ പല കൂട്ടുകാരെയും എനിക്ക് ഓര്‍ക്കുട്ട് വഴിയാണ് കിട്ടിയത് .വഴിയില്‍ വെച്ച്‌ നഷ്ടപ്പെട്ട കൂട്ടുകെട്ടുകള്‍ ..
കള്ള നാണയങ്ങളെ തിരിച്ചറിയുക .കഴിവതും അതില്‍ നിന്നെല്ലാം ഒഴിഞ്ഞു മാറുവാന്‍ ശ്രമിക്കുക .അത്ര മാത്രം .

ഹരീഷ് തൊടുപുഴ said...

സ്മിതേ,
വീണ്ടും നല്ലൊരു പോസ്റ്റ്......
ഇതില്‍ പറഞ്ഞതു പോലെ ആര്‍ക്കും അബദ്ധം പറ്റാതിരിക്കട്ടെ...

ബിന്ദു കെ പി said...

നല്ല പോസ്റ്റ് സ്മിതേ..കാലിക പ്രസക്തിയുള്ള വിഷയം.

യാരിദ്‌|~|Yarid said...

ഇതു മറ്റൊരു കഥ. ട്രയിനില്‍ വെച്ചു പരിചയപ്പെട്ട് ഓര്‍ക്കുട്ട് വഴി സൌഹൃദം നിലനിര്‍ത്തി അവസാനം സുഹൃത്തിനെ കൊലപ്പെടൂത്തി, ഓര്‍ക്കുട്ട് വഴി തന്നെ പിടികൂടീയ സംഭവം. ഏകദേശം ഒരു വര്‍ഷത്തിനു മുന്‍‌പ് നടന്ന സംഭവം..

കൌശമ്പിയുടെ ഓര്‍ക്കുട്ട് പ്രൊഫൈല്‍ ഏറ്റവും താഴെ!!!


This love story started in the AC three tier compartment. The accused Manish Thakur, a resident of Bashdroni in West Bengal, was on his way to Thiruvantapuram where he met Koushambi Layek who was on her way to the training centre of Tata Consultancy Services (TCS). The relation gradually evolved through scrapping on Orkut. After some time Koushambi discovered that Manish was married. Heartbroken she ended her relation with him, but was threatened by Manish again and again. Koushambi confided to her parents about the incidence and they tried to sort out the problem by talking with Manish.

Unfortunately the talks did not help and the police discovered her dead body in Mumbai�s Sun-a-Sheel hotel�s room number 202. After a thorough investigation it was found that Manish had killed her by his service revolver.

Manish, who works with the coast guard, has been arrested. Police sources confirm about taking him to Mumbai today.

Meanwhile Manish�s and Koushambi�s profiles have drawn thousands of visitors in the past two days on orkut. There has been a formation of two communities in the name �Tribute to Koushambi Layek� and �Koushambi cry for Justice�. The number of registered members in these two communities is increasing rapidly. Many visitors are also visiting Manish�s profile to express strong reactions.

It perhaps will not be a very good idea to blame this social networking website. But this incident definitely shows the flipside of social networking on the Internet and the best thing one can do is be careful while using it in order to avoid unpleasant incidents and such mishaps.


http://www.orkut.com/Profile.aspx?uid=11725203022944506305

നവരുചിയന്‍ said...

അങ്ങനെ ഒരു ഓര്‍ക്കുട്ട് കഥയും .... ഓര്‍ക്കുട്ട് ഇന്‍ഓടു ഞാന്‍ ഭയങ്ങര കടപാട് ഉള്ളവന്‍ ആണ് .എന്‍റെ പഴയ പല കലാലയ സുഹൃത്തുകളെയും തിരിച്ചു തന്ന കുടുകാരന്‍ . പിന്നെ പറ്റിക്കപെടാന്‍ റെഡി ആയിടു ഇരികുന്നവര്‍ക്ക് എവിടുന്നു എങ്കിലും പണി കിട്ടും .. അതിന് ഓര്‍ക്കുട്ട് തന്നെ വേണം എന്ന് ഇല്ല . ചാറ്റ് ചെയ്തു അവസാനം കല്യാണം വരെ എത്തിയ പലസംഭവങ്ങളും എനിക്ക് നേരിടു അറിയാം .

ചുമ്മാ പറഞ്ഞെന്നെ ഉള്ളു ഓഫ്‌ടോപ്പിക് ആയി പോയെന്കില്‍ ഷെമിക്കുക

പ്രിയ ഉണ്ണികൃഷ്ണന്‍ said...

നല്ല പോസ്റ്റ്

വിടരുന്ന മൊട്ടൂകള്‍ | VIDARUNNAMOTTUKAL said...

നല്ലൊരു പോസ്റ്റ്. ഇതൊന്നു വായിക്കൂ സമയമുള്ളപ്പോള്‍

Anonymous said...

നല്ല പോസ്റ്റ്. വിഷയം നല്ല രീതിയില്‍ അവതരിപ്പിച്ചതിന് നന്ദി.

ഓണ്‍ലൈനില്‍ മാത്രമല്ല ഓഫ് ലൈനില്‍ ബന്ധപ്പെടുന്നവരുമായും ഒരകലം സൂക്ഷിക്കുന്നത് നല്ലതാണ്. ആണും പെണ്ണും! ഓര്‍ക്കുട്ട് പോലുള്ള നെറ്റ്വര്‍ക്കിലൂടെ മുപ്പതോളം വര്‍ഷങ്ങള്‍ക്ക് മുന്പ് നഷ്ടപ്പെട്ട സുഹൃത്തുക്കളെ, ബന്ധുക്കളെ കണ്ടുമുട്ടി. അതിന്‍റെ ഒരു ആനന്ദം വേറെ തന്നെ. പക്ഷെ വെറും സമയം കൊല്ലാന്‍ വേണ്ടി മാത്രം അവയെ ഉപയോഗിച്ച് നൂറു കണക്കിന് സുഹൃത്തുക്കളെ ഉണ്ടാക്കുക എന്നത് പ്രായോഗികം അല്ല.

പോസ്റ്റിനെ കുറിച്ച് ഓരോരുത്തര്‍ മനസ്സിലാക്കുന്നത് അവരവര്‍ക്ക്‌ തോന്നിയ പോലെ ആണെങ്കിലും ചില കമന്റുകള്‍ കണ്ടിട്ട് ശരിക്കും അരിശം വരുന്നു.

പ്രത്യേകിച്ചും ദേ ഇത് " ഭാര്യയ്ക്ക് ഒരു മൊബൈല്‍ കണക്ഷനും പിന്നെയൊരു നെറ്റ് കണക്ഷനും ഒരുക്കി കൊടുത്ത് വിശാല മനസ്ക്കത കാണിക്കുന്ന ഭര്‍ത്താക്കന്മാര്‍ക്ക് രണ്ട് നല്ല നമസ്ക്കാരം" കഷ്ടം തന്നെ! കല്യാണം കഴിഞ്ഞിട്ട് പത്തു പന്ത്രണ്ടു വര്‍ഷം ആയെങ്കിലും ഇനി മുതല്‍ ഭാര്യയെ പൂട്ടി ഇടാം എന്ന് തീരുമാനിച്ചു. :-).കല്യാണം കഴിച്ചിട്ടുള്ള വിദ്വാന്‍ ആണോ? ഇതുപോലുള്ള മനസ്ഥിതി ഉള്ളവര്‍ വടക്ക് നോക്കി യന്ത്രം ആയില്ലെങ്കിലെ കുഴപ്പം ഉള്ളു! ആ പെണ്ണിന്റെ കാര്യം കട്ടപ്പൊക.

സ്ത്രീകള്‍ വിദ്യാഭ്യാസം കൂടുകയും ജോലിയും ശമ്പളവും വാങ്ങുകയും ചെയ്യുമ്പോള്‍ സ്ത്രീകള്‍ അവര്‍ക്ക് ഉചിതം എന്നുള്ളത് ചെയ്യും. അതിന് പലപ്പോഴും അനുവാദം ഒന്നും വേണ്ട എന്ന് തിരിച്ചറിയുക. ബന്ധങ്ങള്‍ നന്നായ്‌ കൊണ്ടു പോകാന്‍ സ്ത്രീയും പുരുഷനും ഒരു പോലെ ശ്രമിക്കണം. രണ്ടു പേരും പരസ്പരം അറിയുകയും പറയുകയും ചെയ്യുക എന്നത് മാത്രമെ അതിന് പോംവഴി ഉള്ളു. സ്ത്രീ ആണെങ്കിലും പുരുഷന്‍ ആണെങ്കിലും മതില് ചാടേണ്ടവന്‍/ അവള്‍ മതില് കെട്ടിയാലും ഇന്റര്‍നെറ്റ്‌ കണക്ഷന്‍ ഇല്ലെങ്കിലും മൊബൈല് ഫോണ്‍ ഇല്ലെങ്കിലും ചാടിയിരിക്കും.

sunilfaizal@gmail.com said...

ഓര്‍ക്കുട്ട് വഴിയും എര്‍ത്തടിയോ ? request add ചെയ്യും മുമ്പ് ഒന്നരിച്ച്ചാല്‍ കരടു വീഴില്ല - orkut ലും life ലും . പോസ്റ്റ് കൊള്ളാം

കടത്തുകാരന്‍/kadathukaaran said...

പക്ഷെ താങ്കളെപ്പോലുള്ള, ഒരഭിപ്രായം പറയാന്‍ പോലും ആണത്തത്തോടെ നേരെ ചൊവ്വേ പറയാന്‍ കഴിവില്ലാത്ത,(അനോണിയായി വരേണ്ടി വന്ന) ഭര്‍ത്താക്കന്മാരെക്കുറിച്ചായിരിക്കണം അദ്ധേഹം പറഞ്ഞത്. അയാളുടെ അഭിപ്രായത്തോട് എനിക്ക് വിയോജിപ്പാണെങ്കിലും ഇത് പറയാതെ വയ്യ സുഹൃത്തേ.(എന്നാലും അയാളുടെ ഒരു ദീര്‍ഘവീക്ഷണമേ)

പ്രിയ said...

നാദിര്‍, അനോണി കമന്റ് ആണത്തിന്റെയോ പെണ്ണത്തതിന്റെയോ കുറവ് കൊണ്ടാല്ലട്ടോ. ചില സൌ്ഹൃതങ്ങള് കാത്തു സൂക്ഷിക്കാനും കൂടി ആകാം. അത് കൊണ്ട് അതില്‍ പിടിച്ചു കൂടുതല്‍ പറയേണ്ടെന്നു കരുതുന്നു

പ്രിയ said...

ബ്ലോഗിലും ഇത്തരം വഴി മാറി പോയ സൌ്ഹൃദങ്ങള് ഉണ്ടാകരുന്ടെന്നു തോന്നുന്നു. (കുറെ നാള് മുന്പ് ചില ബ്ലൊഗുകളിലും ഇമ്മാതിരി വ്യക്തിഹത്യയെ കുറിച്ചു വായിച്ചു. )പ്രശസ്തമായ ചില വെബ് ഫോറംസും മെസ്സെന്ജെറും എല്ലാം സൂക്ഷിചില്ലെന്കേല് ഇതേ അനുഭവങ്ങള്‍ ഉണ്ടാക്കാം.

ആരെയും എന്തകലത്തില്‍ നിര്‍ത്തണം എന്നത് വ്യക്തമായി അറിയുക.സുഹൃത്തിനെ മറ്റു സുഹൃത്തുക്കള്‍ക്ക് കൂടി പരിചയപ്പെടുത്തുക. പലരെ കബളിപ്പിക്കാന്‍ എളുപ്പമല്ലെന്ന് കരുതാം. ഇതൊക്കെ അല്ലാതെ വേറെ എന്ത് വഴി.

ഭൂമിപുത്രി said...

വളരെ നന്നായി സ്മിതാ ഈ ഓര്‍ക്കുട്ട് സംഭവമിവിടെ
അവതരിപ്പിച്ചത്.‘ചേച്ചി..’വിളിയുടെ ആത്മാറ്ത്ഥതയെ സംശയിയ്ക്കാന്‍ ആദ്യമെ മനസ്സ് വരില്ലെങ്കിലും,ഒരു caution വെയ്ക്കുന്നതുകൊണ്ട് ദോഷമുണ്ടാകില്ല.
തുറന്നമനസ്സോടെ ആള്‍ക്കാരുമായി ഇടപഴകാന്‍ പറ്റുന്ന
കാല്‍മൊക്കെ കഴിഞ്ഞ് വരികയാണെന്നറിയുമ്മ്പോള്‍,
സങ്കടം വരുന്നു.

Anonymous said...

ഹാ ഹാ. വന്നല്ലോ ആണത്തത്തിന്‍റെ മൊത്തം കച്ചവടക്കാര്‍!

ഞാന്‍ പറയാന്‍ ഉദ്ദേശിച്ചത് മനസ്സിലാകേണ്ടവര്‍ക്ക് മനസ്സിലാകും. പഠിപ്പിക്കാതെ നാദിറെ. ആവശ്യത്തിനു വേണ്ടയിടത്തെല്ലാം നേരെ കമന്റിടുന്ന ആള് തന്നെയാ. അത് കൊണ്ട് അതിനെ കുറിച്ച് വേവലാതിപ്പെടണ്ട. വായില്‍ തോന്നുന്നത്‌ വിളിച്ചു പറയണ്ട.

താങ്കളും ഒരു അനോണി തന്നെയാ നാദിറെ (ഫസലുവേ :-)). താങ്കള്‍ മിലിറ്ററിയില്‍ ജോലി ചെയ്യുന്നു എന്നല്ലാതെ എന്ത് മണ്ണാങ്കട്ടയാ അവിടെ എഴുതിയിട്ടുള്ളത്? എനിക്കും അങ്ങിനെ ചെയ്യാം.
ഞാന്‍ ബ്ലോഗ് ചെയ്യുന്നത് എന്‍റെ എല്ലാ വിവരങ്ങളും വച്ച് കൊണ്ടും, അത് പോലെ തന്നെ ആവശ്യം ഉള്ളിടത്തെല്ലാം കമന്റ് ചെയ്യുന്നത്
സ്വന്തം പേരു വച്ചും, എന്‍റെ സുഹൃത്തുക്കള്‍ ഇരുപതോളം പേര്‍ നേരിട്ട് അറിയുകയും ചെയ്യാം. കമന്റ് എഴുതിയ ആളിന്റെ കവിതകള്‍ എനിക്ക് ഇഷ്ടപ്പെടാറുണ്ട്. കമന്റ് എഴുതിയ ആളെ അല്ല കുറ്റപ്പെടുത്തിയത്, അദ്ദേഹത്തിന്‍റെ ചിന്താഗതിയെ അംഗീകരിക്കാന്‍ കഴിയില്ല. പക്ഷെ അയാളുടെ കവിത ഇനിയും വായിക്കണം.

സോറി ഫോര്‍ ദ ഓഫ് ടോപ്പിക് കമന്റ്സ്

പാമരന്‍ said...

നല്ല പോസ്റ്റ്‌. പക്ഷേ ഇതീപ്പറഞ്ഞപോലെ ഓര്‍ക്യൂട്ടിന്‍റെ പ്രശ്നമാണെന്നു കരുതുന്നതില്‍ അര്‍ത്ഥമില്ല..

Inji Pennu said...

ഭൂമിപുത്രി പറഞ്ഞ ചേച്ചി വിളിയുടെ ആത്മാര്‍ത്ഥത... :(

കരീം മാഷ്‌ said...

ഫസല്‍ said...
ഭാര്യയ്ക്ക് ഒരു മൊബൈല്‍ കണക്ഷനും പിന്നെയൊരു നെറ്റ് കണക്ഷനും ഒരുക്കി കൊടുത്ത് വിശാല മനസ്ക്കത കാണിക്കുന്ന ഭര്‍ത്താക്കന്മാര്‍ക്ക് രണ്ട് നല്ല നമസ്ക്കാരം ?

Sorry Fasal
We must provide help to keep a Brave Brain to identify good & bad and apply commonsense

യാരിദ്‌|~|Yarid said...

പ്രശ്നം ഓര്‍ക്കുടിന്റ്റെയല്ല. എന്തു പുതിയ സംഭവം വന്നാലും അതിനെ എങ്ങനെയൊക്കെ മിസ് യൂസ് ചെയ്യാം എന്നാലോചിച്ചു നടക്കുന്നവരുണ്ട്. അതിനി ഓര്‍ക്കുട്ടായാലും, മൈസ്പെയിസായാലും. അതു പോലെ ഇമ്മാതിരി സോഷ്യല്‍ കമ്മ്യൂണീറ്റി സൈറ്റുകളെ ദുരുപയോഗം ചെയ്യുന്നവരില്‍ ഭൂരിഭാഗവും ഇന്ത്യാക്കാരുമാണ്.



പിന്നെ വേലി ചാടുന്നവര്‍, അതിനി ഇന്റര്‍നെറ്റില്ലെങ്കിലും മൊബൈല്‍ കണക്ഷനില്ലെങ്കിലും വേലി ചാടണമെന്നു ഒരുത്തി നിനച്ചാല്‍ വേലി ചാടുക തന്നെ ചെയ്യും. അതു ടെക്നോളജിയുടെ കുഴപ്പമല്ല. സ്വഭാവത്തിന്റെ ഗുണമാണ്!!!

പിന്നെ ആത്മാര്‍ത്ഥത, അതീ വെറ്ച്ച്വല്‍ ലോകത്തില്‍ നോക്കുകയേ വേണ്ട...!!!ആണായാലും പെണ്ണായാലും..

ശ്രീവല്ലഭന്‍. said...

അനുഭവം ഇവിടെ പകര്‍ത്തിയത്തിനു നന്ദി സ്മിത.

അടുത്തറിയാവുന്നവരെ മാത്രം സുഹൃത്തുക്കളുടെ ലിസ്റ്റില്‍ ഇടുക എന്നതാണ് ശരിയെങ്കിലും പലപ്പോഴും നടക്കാറില്ല. ആര് എങ്ങിനെ പെരുമാറും എന്നതിന് ഗ്യാരണ്ടി ഒന്നും ഇല്ല. യുക്തി ഉപയോഗിക്കുക എന്നതാണ് ശരി. ആണായാലും പെണ്ണായാലും നേരിട്ടറിയാത്തവര്‍ കൂടുതല്‍ അടുപ്പം കാണിക്കുമ്പോള്‍ അല്പം സൂക്ഷിക്കുന്നത് നന്നായിരിക്കും. പിന്നെ എല്ലാം അനുഭവത്തിലൂടെ ആണല്ലോ പഠിക്കുന്നത്.

നേരിട്ടറിയാവുന്നവരെ അങ്ങ് കണ്ണടച്ചു വിശ്വസിക്കാനും വരട്ടെ.
http://timesofindia.indiatimes.com/75_rapes_happen_within_family_Govt/articleshow/2879572.cms

"About 75% of rapes happen within the family, the government has admitted........
parents and close relatives were among the perpetrators of the heinous crime. "

അടുത്ത സമയത്തെ ഒരു ഡല്ഹി വാര്‍ത്ത:
http://timesofindia.indiatimes.com/330_rape_molestation_cases_in_Delhi_in_2008/articleshow/2994429.cms

"We have arrested the alleged rapists in over 90 per cent cases. In majority of the cases, persons well known to the victims were behind the crime," a senior police official said. "

ഭാര്യയുടെ കാര്യം അവള് നോക്കിക്കൊള്ളും. രണ്ടു കുഞ്ഞു പെണ്‍കുട്ടികള്‍ ആണേ. പലപ്പോഴും ആവശ്യമില്ലാത്ത നിയന്ത്രണങ്ങള്‍ കുട്ടികള്ക്ക് ഏര്‍പ്പെടുത്തേണ്ടി വരുന്നു:-(

ഫസല്‍! എന്ത് പറയാന്‍!

Anonymous said...

sathyam thanne....pala aniyanmareyum add cheythu kazhiyumbozhanu thani niram purathu varunnathu.anubhavangam guru.....

കാവലാന്‍ said...

സൗഹൃദങ്ങള്‍ നല്ലതുതന്നെ...

എല്ലാ ബന്ധങ്ങള്‍ക്കിടയ്ക്കും വ്യക്തവും കൃത്യവുമായ ഒരു ഗ്യാപ്പ് ഉണ്ടായിരിക്കുന്നതു നല്ലതാണ്. രണ്ടു കൂട്ടരുടേയും നിലനില്പ്പിന്.ആ വിടവ് ഒരിയ്ക്കലും സൗഹൃദത്തെ ബാധിക്കുകയില്ല സ്നേഹമാണ് രണ്ടു കൂട്ടരുടെയും മധ്യേ വര്‍ത്തിക്കുന്ന വികാരമെങ്കില്‍.അല്ലെങ്കില്‍ അതൊരു രക്ഷയാണ് ഒരു ലക്ഷ്മണരേഖയാണ് അന്യന് അതിക്രമിച്ചുകയറാനാവാത്ത വിധം ശക്തമായത്.

ഈ കുറിപ്പൊരിക്കല്‍ കൂടിയുള്ള മുന്നറിയിപ്പാണ് പരിചയത്തിന്റെ,പ്രണയത്തിന്റെ,സ്നേഹത്തിന്റെ പേരില്‍ രക്തസാക്ഷിയാവാതിരിയ്ക്കാന്‍ എല്ലാവര്‍ക്കും.വീക്ഷണങ്ങളില്‍ വ്യക്തതപുലര്‍ത്തുന്നതിന് ആര്‍ക്കും ബന്ധങ്ങളും മുന്‍ ധാരണകളും തടസ്സമാകാതിരിക്കട്ടെ.

തുടരുക കുറിപ്പുകള്‍ ഭാവുകങ്ങള്‍.

Sharu (Ansha Muneer) said...

നല്ല പോസ്റ്റ്

chithrakaran ചിത്രകാരന്‍ said...

ഏതു ബന്ധത്തിനും ഒരു നിശ്ചിത സ്ഥാനം നല്‍കുക എന്നതാണു പോംവഴി.അര്‍ഹമല്ലാത്ത സ്ഥാനം ആര്‍ക്കും കൊടുക്കാതിരിക്കുക എന്നതും അതിന്റെ ഭാഗമാണ്.
നല്ല പോസ്റ്റ്. കുറ്റകൃത്യങ്ങളെ തടയുന്നതിനും, മുങ്കരുതലെടുക്കുന്നതിനും ഇത്തരം പോസ്റ്റുകള്‍ ഗുണം ചെയ്യും.

Manu said...

Really an eye-opener. Good Smitha, you opened up this topic. I was wondering where is the end of friendships in Orkut. It also gave me a self-introspection on what I am doing.

I understand you changed the names of characters, but I still cant believe guys dare to do such things in Gulf. In India, it does happen !!!!

Though you changed the names, I would love to believe this tragedy happened to some "Radhika & Chettan" instead of one "Rehana & Ikka"

ബഷീർ said...

പ്രവീണിന്റെ അഭിപ്രായമാണു എനിയ്ക്കും.. വെറും നെറ്റിലെ പരിചയം വെച്ച്‌ മുഴുവന്‍ കാര്യങ്ങളും വിവരങ്ങളും കൈമാറുന്നത്‌ തെറ്റു തന്നെ..

ഇത്തരം ചതിയില്‍ പെടാതെ സൂക്ഷിക്കുക..

ഈ കുറിപ്പ്‌ ഒരു മുന്നറിയിപ്പാകട്ടെ..

ഓര്‍ക്കൂട്ടിലായാലും വേറെ ഏത്‌ കൂട്ടിലായാലും

ചോര തന്നെ കൊതുകിന്‍ കൌതുകം...

beware...
thank you SA..

smitha adharsh said...

ചില്ലറ തിരക്കുണ്ടായിരുന്നത് കൊണ്ടു എല്ലാവര്‍ക്കും നന്ദി അറിയിക്കാന്‍ കുറച്ചു വൈകിപ്പോയി..ക്ഷമിക്കൂ....പിന്നെ,ഇടയില്‍ ഒരു കമന്‍റ് ഡിലീറ്റ് ചെയ്യേണ്ടി വന്നു..വിഷമം ഉണ്ട്....സ്ത്രീകളെ അടച്ചാക്ഷേപിച്ച ഒരു കമന്‍റ് ആയിരുന്നു അത്...ഏതാണ്ട് ലോകത്തെ എല്ലാ പുരുഷന്മാരെയും എല്ലാ സ്ത്രീകളും വല വീശിപ്പിടിക്കാന്‍ ഇറങ്ങിയ മട്ടില്‍ സഭ്യമല്ലാത്ത ഒന്ന്.അതുകൊണ്ട് മാത്രം അത് ഡിലീറ്റ് ചെയ്തു.ആരും ഒന്നും വിചാരിക്കരുത്..


പ്രിയ : പറഞ്ഞതു വളരെ ശരിയാണ് ട്ടോ.
p.r : ഇപ്പോള്‍ എല്ലാം വളരെ പെട്ടന്ന് അല്ലെ...? അപ്പോള്‍,സൌഹൃദവും പെട്ടെന്ന് തുടങ്ങും, പെട്ടെന്ന് അവസാനിക്കും..അതുകൊണ്ട് തന്നെ അതിന്റെ ആത്മാര്‍ഥതയും കുറവ് അല്ലെ...
സാദിഖ് : ബ്ലോഗ് വായിച്ചു ആരാധന കുറക്കണ്ട..ഒര്കുടില്‍ ഫ്രണ്ട്സ് ആവുന്നതിനു പകരം എനിക്കൊരു ഫാന്‍സ്‌ അസോസിയേഷന്‍ തുടങ്ങിക്കോളൂ..തുട്ട് ഞാന്‍ ചിലവാക്കാം..ആരോടും പറയരുത്....അഭിനന്ദനതിനു നന്ദി
പ്രവീണ്‍ : ഇതു നടന്ന സംഭവം തന്നെ കേട്ടോ..
അനൂപേ: അനൂപ് പറഞ്ഞതിലും സത്യം ഇല്ലാതില്ല
ഫസല്‍ : ഇതിന് ഒരുപാടുപേര് മുകളില്‍ മറുപടി പറഞ്ഞു..അതുകൊണ്ട് ഞാന്‍ പറയുന്നില്ല..ഞാന്‍ പണ്ടേ സമാധാന കാംഷിയാണ്
തറവാടി : താങ്ക്യൂ
പ്രവീണ്‍ :ഇയാള് ആള് കൊള്ളാലോ..
ഉഗാണ്ട രണ്ടാമന്‍ : സെയിം പിന്ച്ച്

smitha adharsh said...

പ്രിയ : ഞാന്‍ അതിനോട് യോജിക്കുന്നു
ഓര്‍മകള്‍ ഉണ്ടായിരിക്കണം : ഈ വഴി വന്നു പോസ്റ്റ് വായിച്ചതിനു നന്ദി
സാദിഖ് മുന്നൂറ്‌ : താങ്ക്യൂ
അശ്വതി : നമ്മള്‍ ഇനിയും ഒരുപാടു പഠിക്കേണ്ടിയിരിക്കുന്നു
കാപ്പിലാന്‍ : എനിക്കും ഒരുപാടു സുഹൃത്തുക്കളെ തിരിച്ചു കിട്ടിയത് ഇവിടെ വച്ചു തന്നെ .കമന്റ് നു നന്ദി..
ഹരീഷ് : നന്ദി
ബിന്ദു : നന്ദി
യാരിദ് :ഇതു മുന്പേ ഒര്കുടില്‍ തന്നെ വന്നിരുന്നു.എങ്കിലും ഒന്നുകൂടി ഓര്‍മിപ്പിച്ചതിനു നന്ദി

നവരുചിയന്‍ : ഓഫ് ടോപ്പിക് ഒന്നും ആയില്ല മാഷേ..

smitha adharsh said...

പ്രിയ ഉണ്ണികൃഷ്ണന്‍ : ഈ വഴി വന്നു പോസ്റ്റ് വായിച്ചു കമന്റ് ഇട്ടതിനു നന്ദി
വിടുന്ന മൊട്ടുകള്‍ : നന്ദി കേട്ടോ
അനോണിമസ് : പറഞ്ഞ പല കാര്യങ്ങളോടും യോജിപ്പ് ഉണ്ട്
സുനില്‍ : നന്ദി
നാദിര്‍ : പറഞ്ഞതു ആരായാലും കാര്യം ആണോ എന്ന് നോക്കിയാല്‍ പോരെ?
പ്രിയ : പറഞ്ഞതു ശരി
ഭൂമി പുത്രി :താങ്ക്യൂ
അനോണിമസ് : സാരമില്ല പോട്ടെ മാഷേ..
പാമരന്‍:നന്ദി
ഇഞ്ചി പെണ്ണ് : താങ്ക്യൂ
കരീം മാഷ്‌ : കമന്റ് നു നന്ദി
യാരിദെ: വിട്ടു കല്ഞ്ഞെക്കൂ
ശ്രീ വല്ലഭന്‍ : നന്ദി കേട്ടോ
സിനി : താങ്ക്യൂ
കാവലാന്‍: ആശംസകള്‍ക്ക് നന്ദി
ശാരു: ഇനിയും വരുമല്ലോ..ഇതിലെ
ചിത്രകാരന്‍ :പറഞ്ഞതിനോട് യോജിക്കുന്നു
മനോഹര്‍ ജീ : കമന്റ് നു നന്ദി..ആരാണെന്നു കണ്ടു പിടിച്ചേ അടങ്ങൂ എന്ന് വാശിയാണോ?
ബഷീര്‍ : പറഞ്ഞത് ശരി തന്നെ കേട്ടോ..

ഹാരിസ് said...

ആണ് വേറെയാണ്.അവനെ പെണ്ണളക്കരുത്,തിരിച്ചും.നാഴി വെവ്വേറെയാണ്.

Senu Eapen Thomas, Poovathoor said...

ഞാന്‍ അപ്പനും, അമ്മയും, ഭാര്യയും, മക്കളും ഒക്കെയുള്ള ഒരാളാണു. തനിക്കു എന്നെ സഹോദരനായി കണ്ട്‌ കൂടെ...എന്നെ കൂടി ആഡ്‌ ചെയ്യൂ!!!.

സ്വന്തം സഹോദരന്‍,
www.pazhamburanams.blogspot.com

M A N U . said...

പോസ്റ്റ്‌ കണ്ടു,ഞാനുള്‍പ്പെടെ നാല്‍പ്പത്തിനാല്‌ പേര്‍ ഈ പോസ്റ്റ്‌ വായിച്ചിട്ടുണ്ട്‌.അത്രയും പേര്‍ക്കെങ്കിലും ഈ അനുഭവം ഒരു പാഠമാകട്ടെ!.പുതിയ രഹ്നമാരും ഗോപുമാരും ആകാതിരിക്കാന്‍ അവര്‍ക്കെങ്കിലും കഴിയട്ടെ!.സാങ്കേതികവിദ്യയെ കുറ്റം പറഞ്ഞിട്ടോ,അതിനെതിരേ പുറം തിരിഞ്ഞു നിന്നിട്ടോ യാതൊരു കാര്യവുമില്ല.എല്ലാ സാങ്കേതിക വിദ്യകള്‍ക്കും ഗുണങ്ങളും ദോഷങ്ങളും ഉണ്ട്‌.നല്ലതു വിതച്ചാല്‍ നല്ലതു കൊയ്യാം!."ഭാര്യക്ക്‌ മൊബൈല്‍ ഫോണും,നെറ്റ്‌ കണക്ഷനും എടുത്ത്‌ കൊടുത്താല്‍ ഇങ്ങനെയിരിക്കും" എന്ന ധ്വനിയുള്ള ഒരു കമണ്റ്റ്‌ കണ്ടു.അതും ഒരു യുവ കവിയില്‍ നിന്നും.കഷ്ടം..അല്ലാതെന്തു പറയാന്‍.

Jayasree Lakshmy Kumar said...

കാണാന്‍ വൈകി ഈ പോസ്റ്റ്. ശ്രീ തന്ന ലിങ്ക് വഴിയാണ് ഇവിടെ എത്തിയത്. വളരേ നല്ല പോസ്റ്റ്.
തന്റെ നിരപരാധിത്തം എത്ര പേരോട് കരഞ്ഞ് പറഞ്ഞിട്ടുണ്ടാകും രഹ്‌ന? എത്ര പേര്‍ അത് വിശ്വസിച്ചിട്ടുണ്ടാകും?
‘നിന്‍റെ ഭാര്യയേയും ,ഒരു ചെക്കനേയും നിങ്ങള്‍ടെ ഫ്ലാറ്റില്‍ നിന്നു പിടിച്ചു !!!‘ എന്നാണ് ഫ്രണ്ട്സ് പോലും ബഷീറിനെ അറിയിക്കുന്നത്. ബഷീറീന് കാര്യങ്ങളുടെ നിജസ്ഥിതി അറിയാമായിരുന്നിട്ടു പോലും അയാളും എത്ര അധികം വ്യഥ അനുഭവിച്ചിട്ടുണ്ടാകും. മക്കള്‍ മുതിര്‍ന്നു വരുമ്പോള്‍ ‘നിങ്ങളുടെ അമ്മയെ ഒരു ചെക്കന്റെ കൂടെ ഫ്ലാറ്റില്‍ നിന്നു പിടിച്ചതാണ്’‘ എന്നാരെങ്കിലും പറയുമ്പോള്‍ അവരുടെ അവസ്ഥ എന്താണ്. ‘ഞാന്‍ അങ്ങിനെ പോയിട്ടില്ല’ എന്ന് പറയണമെന്നും ‘അങ്ങിനെ ആരെങ്കിലും എന്തെങ്കിലും പറയുമ്പോള്‍ ഇടിഞ്ഞു വീഴാന്നുള്ളതാണോ മാനം’ എന്നുമൊക്കെ നമുക്കു പറയാം. പക്ഷെ ഓരോസ്ത്രീയും ഒരു നിമിഷം ഒന്നു രഹ്നയാകുക. ഓരോ ഭര്‍ത്താവും ഒരു നിമിഷം ബഷീറും ആകുക. അപ്പൊ മനസ്സിലാകും അതിന്റെ വ്യഥകള്‍

ഇതു പോലുള്ള കള്ളനാണയങ്ങളെ പരിചയപ്പെടുത്തിയത് നന്നായി സ്മിത

Ranjith chemmad / ചെമ്മാടൻ said...

ഇങ്ങനെ പലതും പലയിടത്തും
പലതരത്തിലും സംഭവിക്കുന്നുണ്ട്.
സൈബര്‍ യുഗമായതിനാല്‍
ഓര്‍ക്കുട്ട് ഒരു കാരണമായി എന്നേയുള്ളൂ.

ഓര്‍ക്കുട്ടിലെ കള്ളനാണയങ്ങളെയല്ല,
മറിച്ച് സൗഹ്ര്‌ദത്തിലെ കള്ളനാണയങ്ങളെയാണ്‌
തിരിച്ചറിയേണ്ടത്.

കുറിപ്പ് ഉപകാരപ്രദമായിരിക്കും വെറുതേ നെറ്റില്‍
കറങ്ങിയടിക്കുന്ന House Wife കള്‍ക്ക്

ആശംസകള്‍.....

പ്രിയ said...

പെണ്ണിന് നെറ്റില് വിലക്കുകള് ഉണ്ടാക്കുന്നതിന് പകരം അമ്മാതിരി ഉള്ളവന്മാരെ എങ്ങനെ ഒതുക്കാം അല്ലെങ്കില് ഒഴിവാക്കാം എന്നതിനായി ആരും ഒരു അഭിപ്രായവും പറഞ്ഞു കണ്ടില്ല.

ഒരു നല്ല ചങ്ങാതിക്കൂട്ടം ചെയ്യേണ്ടത് പ്രായമുള്ള ബന്ധുക്കള് പറയുന്നമാതിരി അഡ്ജസ്റ്റ്മെന്റ്റ് എന്നോമനപ്പേരുള്ള ആ ഒതുങ്ങിക്കൂടല് അല്ലല്ലോ നിര്ദേശിക്കേണ്ടത്. ആണോ?

Jayasree Lakshmy Kumar said...

ഒരു തെറ്റും ചെയ്യാതിരുന്നിട്ടും സമൂഹം രെഹ്‌നയോടു പറഞ്ഞിട്ടുണ്ടാവാന്‍ സാധ്യതയുള്ള കാര്യവും അതു തന്നെ.’അവള്‍ക്ക് നെറ്റില്‍ കറങ്ങി നടക്കേണ്ട വല്ല കാര്യവുമുണ്ടായിരുന്നോ’ എന്ന്. രഹ്‌ന ഓര്‍കുട്ട് പാടെ ഉപേക്ഷിച്ചാലും ബഷീര്‍ അതിന് രെഹ്‌നയെ നിര്‍ബന്ധിച്ചാലും അതിനെ സഹതാപപൂര്‍വ്വമേ കാണാനാവൂ. അതാണിതിന്റെ ഒരു ഗതികെട്ട വശം. സംരക്ഷണം കൊടുക്കേണ്ടവന്റെ ഗതികേട്. ഭാര്യയുടെ ചാരിത്ര്യം സംശയിക്കപ്പെടുന്നതിലൂടെ ചോദ്യം ചെയ്യപ്പെടുന്നത് ഭര്‍ത്താവിന്റെ പുരുഷത്വം കൂടിയാണ്. സ്ത്രീകള്‍ക്ക് ഒരുപാടു കൂച്ചുവിലങ്ങുകള്‍ ഇടാന്‍ നിര്‍ദ്ദേശിക്കുന്നത് ഇങ്ങിനെയുള്ള പേടിയുടെ വക്താക്കളാണ്. ഇത് നമ്മോട് ഏറ്റവുമടുത്ത പുരുഷന്മാര്‍ക്ക് [അച്ഛനോ, ഭര്‍ത്താവോ, ആങ്ങളമാരോ, മക്കളോ] എല്ല്ലാവര്‍ക്കുമുള്ളതാണ്.അതിനെ സഹതാപപൂര്‍വ്വമല്ലേ കാണേണ്ടത്.

smitha adharsh said...

ഹാരിസ് : ഉദ്ദേശിച്ചത് മുഴുവന്‍ അങ്ങോട്ട് മനസ്സിലായില്ലല്ലോ...ഹാരിസേ..
സെന് ഈപ്പെന്‍ : ഉള്ളിരിരിപ്പ് മനസ്സിലായി..കളിയാക്കിയതാണ് അല്ലെ മാഷേ..??
മനു : വിതച്ചത്‌ കൊയ്യും അത് ശരിയാണ് ട്ടോ... അതുകൊണ്ട് നമുക്കു നല്ലത് മാത്രം വിതയ്ക്കാം ..
ലക്ഷ്മി : ശ്രീ പറഞ്ഞു,ഇവിടെ വന്നു ഈ പോസ്റ്റ് വായിച്ചു കമന്റ് ഇട്ടതിനു നന്ദി..കേട്ടോ..
രഞ്ജിത് : പോസ്റ്റ് വായിച്ചതിനു നന്ദി
പ്രിയ : പ്രിയ പറഞ്ഞതു ശരി തന്നെ..ആരും,ഇത്തരക്കാരെ എങ്ങനെ കൈകാര്യം ചെയ്യാം എന്ന് പറഞ്ഞു കണ്ടില്ല..ഞാനും ഇപ്പോഴാ അത് ശ്രദ്ധിക്കുന്നത്‌ .... നമുക്കു നമ്മെ തന്നെ തല്‍കാലം സൂക്ഷിക്കാം..ഇപ്പോള്‍ അതേ ഒരു വഴി ഉള്ളൂ..
ലക്ഷ്മി : ലക്ഷ്മിയുടെ ചോദ്യം കാര്യമാത്ര പ്രസക്തമാണ്..പക്ഷെ,എന്റെ കൈയില്‍ അതിന് തൃപ്തികരമായ മറുപടി ഇല്ല....

sree said...

സ്മിതേ,

ഈ പോസ്റ്റിന്ന് ആശയം പൊക്കി ഞാന്‍ ഒരു പൈങ്കിളി ചമച്ചിട്ടുണ്ട്..ഇവിടെ... ചുമ്മാ...

Sands | കരിങ്കല്ല് said...

സ്മിത...,

തിരക്കുള്ള സമയമായിരുന്നു.. വരാനും വായിക്കാനും വൈകി...

സത്യം പറഞ്ഞാല്‍ പ്രത്യേകിച്ചൊന്നും പറയാനില്ല പോസ്റ്റിലെ കാര്യത്തിനെ പറ്റി.

സൂക്ഷിച്ചാല്‍ ദുഃഖിക്കണ്ട... എന്നാണല്ലൊ!
ലിങ്ക് എന്റെ അനിയത്തിക്കു്‌ അയച്ചു്‌ കൊടുക്കും.. അത്രന്നെ :)

കരിങ്കല്ല് അഥവാ സന്ദീപ്

Anonymous said...

കര്‍ത്താവേ.....കഴിഞ്ഞു....ഇനി രക്ഷയില്ല...
ഇതു വായിച്ചവര്‍ ആരും തന്നെ ഇനി എന്നെ വിശ്വസിക്കില്ലല്ലോ.....?ഇതോടു കൂടെ ചില സുഹ്രത് ബന്ധങ്ങളില്‍ വിള്ളല്‍ വീണിരിക്കുന്നു...........(ഇതൂ അയച്ചു തന്ന കൂട്ടുകാരി എന്നെ എന്തൊക്കെയോ ഓര്‍മിപ്പിക്കുന്നു....ഹഹഹ...)

മിന്നാമിനുങ്ങുകള്‍ //സജി.!! said...

എന്തായാലും കൊള്ളാം..ഓര്‍ക്കുട്ടും ചാറ്റിങ്ങും എന്തുചെയ്യാനാ മാഷെ വിശ്വാസം അവിശ്വാസമാകുന്നു ആത്മാവിനും മറ്റൊരാള്‍ക്കും ഇടയില്‍ ഇടാന്‍ മറന്നുപോയ ഒരിഴ,
കഴിവതും അപരിചിതരില്‍ നിന്നും വരുന്ന ഫ്രണ്സ് റിക്വസ്റ്റുകള്‍ ഒഴിവാക്കുക.
അഥവാ സൌഹൃദം പങ്കുവെയ്ക്കുമ്പോള്‍ ഒരാളെക്കുറിച്ച് കൂടൂതലും മനസ്സിലാക്കിയാല്‍ അവര്‍ക്ക് നല്ലതായിരിക്കും.. ആത്മഹത്യവരെ ചെയ്യേണ്ടിവന ഒരു ഓര്‍ക്കുട്ട് സൌഹൃദത്തെപറ്റി ഒരിക്കല്‍ ഇന്‍ഡ്യാട്ടൈംസില്‍ വായിച്ചിരുന്നു.
സൌഹൃദം അതൊരുതണല്‍മരമാണ് സങ്കടങ്ങളുടെ വെയില്‍ കൊള്ളാതെ ഹൃദയത്തെ പൊതിയുന്ന സ്നേഹമാണത് പക്ഷെ ആ സ്നേഹം മനപ്പൂര്‍വം കരിവാരിതേയ്ക്കുന്നവരും ഉണ്ട് ..
അത് ആണായാലും ശരി പെണ്ണായാലും ശരി ഒരു പെണ്ണിന്റെ പ്രൊഫൈല്‍ കണ്ടാല്‍ പ്രൊഫൈല്‍ പോലും നോക്കാതെ ശ്സൊ ഒരു ചരക്ക് വന്നിരിക്കുന്നു എന്നും പറഞ്ഞ് ആഡ് ചെയ്യുന്ന എത്ര കൂട്ടുകാര്‍ ഉണ്ട് നമുക്കിടയില്‍ അതുപോലെ തന്നെ ഫ്രണ്ഡ്സ്ലിസ്റ്റിന്റെ എണ്ണം കൂട്ടാനായി എത്രയെത്ര പ്രൊഫൈലുകല്‍ സ്വന്തമായി നിര്‍മിച്ച് ഇട്ടിട്ടുണ്ട് അല്ല പറയാനാണേല്‍ ഒരുപാടൂണ്ട് ഇപ്പൊ ഇത്രയും ബാക്കി പിന്നാലെ...


ഈ പോസ്റ്റ് കാരണം ബൂലോകസുഹൃത്തുക്കള്‍പലരും ഇവിടെ ഓര്‍ക്കൂട്ട് ഡിലീറ്റ് ചെയ്തൂ. ഡിലീറ്റ് ചെയ്തുകൊണ്ടും ഇരിക്കുന്നു അല്ല ഞാന്‍ ഒരു കാര്യം ചോദിച്ചോട്ടെ എലിയെപേടിച്ച് ഇല്ലം ചുടണോ..? ഇങ്ങനെ പല ഗോപുമാരുംനമ്മുടെ മലയാളികള്‍ക്കിടയില്‍ തന്നെ ഉണ്ട് അതുകൊണ്ട് ഒരു സൌഹൃദം തുടങ്ങുമ്പോള്‍ കൂടുതല്‍ മനസ്സിലാക്കുകയും മനസ്സിലക്കപ്പെടുകയും ചെയ്താല്‍ ഇതൊക്കെ സംഭവിക്കുമൊ..?
മുകളില്‍ പറഞ്ഞ ത് പോലെ [അല്ലാതെ ഇവിടെ പറമ്പില്‍ പോയി തെങ്ങിന് വെള്ളമോഴിക്കാണോ,വാഴയ്ക്ക് പുതിയ കൂമ്പ്‌ വന്നോ എന്നൊന്നും നോക്കാന്‍ പറ്റില്ലല്ലോ..]
തീര്‍ച്ചയായും ശരിയാണ് ഇവിടെ നമുക്ക് പറമ്പും ഇല്ല പാടവും ഇല്ല കിളയ്ക്കാന്‍ ,,
പക്ഷെ കമ്പൂട്ടറിന്റെ മുന്നില്‍ വന്നിരിക്കിക്കുമ്പോള്‍ ആലോചിച്ചുകൂടെ ഈ പറയുന്നഗോപുമാര്‍ നമുക്ക് ചുറ്റും ഉണ്ട് എന്ന് അല്ലെങ്കില്‍ പലതും ഇതിനകം തന്നെ മാധ്യമങ്ങളില്‍ കൂടി നമുക്കിടയില്‍ പ്രത്യക്ഷ്യപ്പെട്ടുകൊണ്ടിരിക്കുന്നു എന്ന് അതുകൊണ്ട് സൂക്ഷിക്കുക എന്നെ എനിക്ക് പറയാന്‍ ഉള്ളൂ.
എനിക്കും ഉണ്ട് ഈ പറയുന്ന ഓര്‍ക്കുട്ട് അവിടെ എനിക്ക് വ്യക്തമായ ദാരണയില്ലാത്തെ ഒരാള്‍ പോലും എന്റെ ഫ്രന്‍ഡ്സ്ലിസ്റ്റിലും ഇല്ല..
പലവഴിപിരിഞ്ഞുപോയ പലകൂട്ടുകാര്‍ക്കായി ഞാന്‍ തുടങ്ങിയതാണ് എന്റെ ഓര്‍ക്കുട്ട് അത് ഇന്നും അതിന്റെ അതേ രീതിയില്‍ തന്നെ തൂടരുന്നും ഉണ്ട്.
അല്ല ഒരു കാര്യം മാഷെ ഒരാള്‍ അങ്ങനെയായി എന്ന് കരുതി ഈ പറയുന്ന
ഓര്‍ക്കുട്ട് ഉപയോഗിക്കുന്നവരൊക്കെ ഗോപുമാരാകുമൊ..? അല്ലെങ്കില്‍ രഹ്മയാകുമൊ..?


ഇവിടെ ഫസല്‍ പറഞ്ഞൂ.. ഭാര്യയ്ക്ക് ഒരു മൊബൈല്‍ കണക്ഷനും പിന്നെയൊരു നെറ്റ് കണക്ഷനും ഒരുക്കി കൊടുത്ത് വിശാല മനസ്ക്കത കാണിക്കുന്ന ഭര്‍ത്താക്കന്മാര്‍ക്ക് രണ്ട് നല്ല നമസ്ക്കാരം

എന്റെ ഫസല്‍ ബായി ഇങ്ങനെ പറയേണ്ട കാര്യമുണ്ടൊ..? ഈ പറയുന്ന മുബൈല്‍ഫോണും നെറ്റും കൊടുത്ത് വിശാലമന്‍സ്കത കാണിക്കുന്ന ഭര്‍ത്താക്കന്മാരൊക്കെ അപ്പോള്‍ മണ്ടന്‍ മാരാണോ..?
നമ്മുടെ സമൂഹത്തില്‍ നല്ലതും ഉണ്ട് ചീത്തയും ഉണ്ട് അത് മനസ്സിലാക്കുകയും മനസ്സിലാക്കപ്പെടുകയും ചെയ്യുന്നവനേ ഇവിടെ വിജയമുള്ളൂ..അല്ലാതെ ഇങ്ങനെ അടച്ച് ആക്ഷേപിക്കേണ്ട കാര്യമില്ലായിരുന്നു.. കഷ്ടംഭായ്,
അപ്പോള്‍ പറഞ്ഞ് വന്നത് സൂക്ഷിച്ചാല്‍ ദുഃക്കിക്കേണ്ട..

ഇതിന്റെ പേരില്‍ എന്നെ ആരും തല്ലല്ലെ കൊല്ലല്ലെ എനിക്ക് തോന്നിയത് ഞാന്‍ പറഞ്ഞൂ..

ശ്രീവല്ലഭന്‍. said...

മറ്റൊരു കള്ള നാണയം- ഇവിടെ നോക്കുക

പാവം പാസസ്റ്റര്‍! ഉപദേശിച്ചാലും പ്രശ്നം!

ശ്രീ said...

ദൈവമേ... എന്തെല്ലാം പേടിയ്ക്കണം, അല്ലേ?

സൂക്ഷിച്ചാല്‍ ദു:ഖിയ്ക്കേണ്ട എന്നു പറയുന്നത് വെറുതേയല്ല.ഇങ്ങനെ ഓരോരുത്തന്മാര്‍ മതിയല്ലോ എല്ലാവരുടേയും പേരു കളയാന്‍...

എന്തായാലും ഇങ്ങനെ ഒരു പോസ്റ്റിട്ടത് നന്നായി, ചേച്ചീ. എല്ലാവര്‍ക്കും ഒരു മുന്നറിയിപ്പായിരിയ്ക്കട്ടെ.

ഹാരിസ്‌ എടവന said...

വളരെക്രൂരമായ അനുഭവം.
വായിക്കന്‍ വൈകിയതീല്‍ ക്ഷമചോദിക്കുന്നു.

യാരിദ്‌|~|Yarid said...

ഇതേ പോസ്റ്റ് ദാ ഇവിടെ സുമോദ് എന്നയാളുടെ ലൈവ് സ്പെയിസില്‍ കിടക്കുന്നു കിടക്കുന്നു. രണ്ടു പേരും ഒന്നു തന്നെയാണൊ?

smitha adharsh said...

യാരിദെ :എന്‍റെ "ഓര്കുടിലെ കള്ളനാണയം" http://chirakullapakalkinaavu.blogspot.com/2008/05/blog-post_13.html എന പോസ്റ്റ് സുമോദ് എന്ന ഒരു "പാവത്താന്‍ " അടിച്ച് മാറ്റി എന്ന വിവരം തന്നതിന് നന്ദി പറയാനാണ്..വെറും ഒരു മാസം ഇവിടെ നിന്നും മാറിയാതെ ഉള്ളൂ..അപ്പോഴേക്കും എന്‍റെ പോസ്റ്റ് അടിച്ച് മാറ്റി..അതെ പേരില്‍ തന്നെ ഒരു രൂപ വ്യത്യാസവും വരുത്താതെ ആ മൂപ്പില്‍സ് പോസ്റ്റ് ചെയ്തിരിക്കുന്നു..ഞാന്‍ നേരെ ചെന്നു ചോദിച്ചപ്പോള്‍,കക്ഷി എനിക്കൊരു മെസ്സേജ് അയച്ചിരിക്കുന്നു..സോറി ,ഇനി ചെയ്യില്ല.ഒരു ഉപകാരം ചെയ്തതാണ് എന്ന് !!!! എങ്ങനെയുണ്ട്..???????
ഇപ്പോള്‍,ആ പോസ്റ്റും അവിടെ നിന്നു അപ്രത്യക്ഷമായിരിക്കുന്നു....
ഈ വിവരം ചൂടോടെ അറിയിച്ചതിനു നന്ദി കേട്ടോ..

അല്ല,ഇതിനെതിരെ പ്രതികരിക്കാന്‍ വേറെ വല്ല വഴിയും ഉണ്ടോ മാഷേ?

മിന്നാമിനുങ്ങുകള്‍ //സജി.!! said...

ബൂലോഗം ഒന്നടങ്കം അടിച്ചോണ്ടുപോയപ്പോള്‍ പ്രതികരിച്ചതിന്റെ ക്ഷീണം ഇതുവരെ മാറിയില്ല..അല്ല നാട്ടിലൊക്കെ പോയിട്ട് വന്നോ മാഷെ..?

krish | കൃഷ് said...

ഈ പോസ്റ്റ് ഇപ്പഴാ കണ്ടത്. നന്ദി.
ടെക്നോളജിയെ ഉപയോഗപ്പെടുത്തുന്നതും ദുരുപയോഗപ്പെടുത്തുന്നതും നമ്മള്‍ തന്നെയല്ലേ.
സൂക്ഷിച്ചാല്‍ ദുഃഖിക്കേണ്ട.

(ഇതിനിടക്ക് ഈ പോസ്റ്റും അടിച്ചുമാറ്റിയോ..സര്‍വത്ര മോഷണം!!)

യാരിദ്‌|~|Yarid said...

അതിപ്പോഴും അവിടെ തന്നെയുണ്ടെന്നു തോന്നുന്നു. ലിങ്ക് ഇപ്പോഴും നിലവിലുണ്ട്. ആ പോസ്റ്റ് അക്സസ് ചെയ്യുന്നതു റെസ്ട്രിക്റ്റ് ചെയ്തിരിക്കുന്നു. ഒന്നു കൂടെ ചെക്ക് ചെയ്തു നോക്കിക്കോളു...!!

ഒന്നും ചെയ്യാന്‍ പറ്റില്ലായെന്നു തോന്നുന്ന്നു. ഇനി ഒരു വഴിയെയുള്ളൂ ബ്ലോഗ് അക്സസ് ചെയ്യുന്നതു ലിമിറ്റ് ചെയ്തു കൊടുക്കാം. . അല്ലാതെന്തു ചെയ്യാന്‍. ആ ക്രിയേറ്റിവ് കോമണ്‍ ലൈസന്‍സിന്റെ ഒരു ലിങ്ക് കൊടുത്തേക്കു, വല്യ പ്രയോജനമുണ്ടായിട്ടൊന്നുമല്ല. എന്നാലും വെറുതെ..:)

smitha adharsh said...

ശ്രീ : സംഭവം ഞാന്‍ കണ്ടു കേട്ടോ..നന്നായിരിക്കുന്നു
കരിങ്കല്ല് : സന്ദീപേ, കുറെ നാളായല്ലോ,മാഷേ കണ്ടിട്ട്..ഞാനും നാട്ടില്‍ പോയി വന്നതേ ഉള്ളൂ.ഇപ്പോള്‍,മനസ്സിലായില്ലേ,പുതിയ ഫ്രണ്ട്സ് നെ ഓര്‍ക്കുട്ടില്‍ എടുക്കാത്തത് എന്താണ് എന്ന്....കമന്റ് നു നന്ദി.
പയ്യന്‍സ് : പയ്യന്‍സേ,നല്ല മനോഭാവം ആണെന്കില്‍ ഒരു ബന്ധത്തിലും വിള്ളല്‍ വീഴില്ല.പോസ്റ്റ് വായിച്ചതിനു നന്ദി
മിന്നാമിനുങ്ങ്‌ : സജീ,പറഞ്ഞതെല്ലാം അക്ഷര പ്രതി ശരി...നമ്മളെ നമ്മള്‍ തന്നെ നോക്കിയാല്‍ മതി..ഒരു വേണ്ടാത്ത ബന്ധത്തിലും വീഴില്ല ..സൌഹൃദം അതൊരുതണല്‍മരമാണ് സങ്കടങ്ങളുടെ വെയില്‍ കൊള്ളാതെ ഹൃദയത്തെ പൊതിയുന്ന സ്നേഹമാണത് പക്ഷെ ആ സ്നേഹം മനപ്പൂര്‍വം കരിവാരിതേയ്ക്കുന്നവരും ഉണ്ട് ..അതിനോടും യോജിക്കുന്നു.ഒരു നീണ്ട അര്‍ത്ഥവത്തായ കംമെന്റ്നു നന്ദി
ശ്രീ വല്ലഭന്‍ : മറ്റൊരു തട്ടിപ്പും കണ്ടു കേട്ടോ.

smitha adharsh said...

ശ്രീ : ശരിയാണ് സൂക്ഷിച്ചാല്‍ ദുഖിക്കണ്ട.പോസ്റ്റ് വായിച്ചതിനും,കമന്റ് ഇട്ടതിനും നന്ദി.
ഹാരിസ് : പോസ്റ്റ് വൈകിയാണെങ്കിലും വായിച്ചല്ലോ.. അത് മതി.താങ്ക്യൂ സൊ മച്ച്
യാരിദ്‌ : അപ്പോള്‍,എല്ലാം ശരി തന്നെ...എന്റെ പോസ്റ്റ് അടിച്ചോണ്ട് പോയി....ഇനി പറഞ്ഞിട്ട് കാര്യമില്ല.പുതിയ വല്ല മണിച്ചിത്ര താഴും കൊണ്ടു പൂട്ടിയിടണം എന്ന് തോന്നുന്നു.എന്തായാലും മോഷണം അറിയിച്ചതിനു നന്ദി കേട്ടോ...
മിന്നാനിനുങ്ങു : സജീ..നാട്ടിലൊക്കെ പോയി വന്നു....ആ സന്തോഷമൊക്കെ ഇവിടെ വന്നപ്പോള്‍,അമ്പരപ്പ് ആയി മാറി.
കൃഷ് : ഈ വഴി വന്നതില്‍ സന്തോഷം കേട്ടോ..ഇനിയും കാണാം
യാരിദ്‌ : ഞാന്‍ കണ്ടു.ആ ലിങ്ക് ഇപ്പോഴും അവിടെ തന്നെ ഉണ്ട്.പക്ഷെ,ബ്ലോക്ക് ചെയ്തിരിക്കുന്നു.

ഹരിയണ്ണന്‍@Hariyannan said...

കള്ളനാണയങ്ങള്‍ ഓര്‍ക്കുട്ടുകളി മാത്രമല്ല!
അത് ഇരുട്ടിലും വെളിച്ചത്തുമുണ്ടാവും!
ഓന്‍ലൈന്‍ സൌഹൃദങ്ങളില്‍ അതിത്തിരി കൂടിപ്പോവുന്നു!

അതിരുവരക്കാന്‍ വിട്ടുപോകരുതെന്നുമാത്രം!

Manikandan said...

സമൂഹത്തിന്റെ എല്ലാതുറകളിലും നല്ലതും, ചീത്തയും ആയ ആളുകള്‍ ഉണ്ടാവും. അതുകൊണ്ട്` ബ്ലൊഗിലും, ഓര്‍‌ക്കുട്ടിലും എന്തെങ്കിലും വ്യത്യാസം പ്രതീക്ഷിക്കാന്‍ വയ്യ. സൌഹൃദങ്ങള്‍‌ തിരഞ്ഞെടുക്കുന്നതില്‍ നമ്മള്‍‌ ശ്രദ്ധിച്ചാല്‍‌ മതിയെന്നാണ് എന്റെ അഭിപ്രാ‍യം. സ്മിത ഇവിടെ വിവരിച്ചതിന്റെ മറുപുറമാണ് എനിക്കു പാറയാണുള്ളത്‌. ഓര്‍‌ക്കുട്ട്, ചാറ്റ്, ബ്ലോഗ്‌ എന്നിവ എനിക്കു നല്‍‌കിയിട്ടുള്ളത്‌ ഒത്തിരി നല്ല സുഹൃത്തുക്കളെയാണ്. എന്നോടൊപ്പം പഠിച്ചവരും, നാട്ടില്‍‌നിന്നും മാറി വിദേശത്തു തൊഴില്‍‌ചെയ്യുന്നവരും ആയ ഒട്ടനവധി ആളുകളെ വീണ്ടും കണ്ടുമുട്ടാനും, സൌഹൃദം പുതുക്കാനും ഓര്‍‌ക്കുട്ട്‌ സഹായിച്ചിട്ടുണ്ട്‌. പിന്നെ ചാറ്റിങ്ങ്‌ എനിക്കു ഏറ്റവും അധികം ഓണ്‍-ലൈന്‍ സുഹൃത്തുക്കളെ കിട്ടിയത്‌ ചാറ്റിങ്ങിലൂടെയാണ്. ഒരു ഓണ്‍‌ലൈന്‍ ഹായ് ബൈ എന്ന നിലയില്‍ നിന്നും അതു വളരെ ഉയര്‍ന്നതാണ്. ആ സൌഹൃദങ്ങള്‍ എനിക്കു ജീവിതത്തില്‍ പല ഉപകാരങ്ങളും ഉണ്ടാക്കിയിട്ടുണ്ട്‌. സുഹൃദ്‌ബന്ധത്തിലും ഉപരി സഹോദരതുല്യം സ്‌നേഹിക്കുന്ന വ്യക്തികളെ സമ്മാനിച്ച ഈ ഇലക്‍ട്രോണിക്‌ രംഗത്തെ ഏതാനും ചില കള്ളനാണയങ്ങളുടെ പേരില്‍ പൂര്‍‌ണ്ണമായും തള്ളിപ്പറയാന്‍‌ എനിക്കു സാധിക്കില്ല. ഇവിടെ പ്രതിപാദിച്ച‌ രഹനക്കുണ്ടായ അനുഭവം മറ്റാര്‍‌ക്കും ഉണ്ടാവാതിരിക്കട്ടെ എന്നുമാത്രം ആത്മാര്‍‌ത്ഥമായി പ്രാ‍ര്‍‌ത്ഥിക്കുന്നു. ഇന്റെര്‍നറ്റും ചാറ്റും, ബ്ലൊഗും വരുന്നതിനു മുന്‍പം പരസ്പരം കണ്ടിട്ടില്ലാത്ത ആളുകള്‍ സൌഹൃദം സ്ഥാപിക്കുകയും വളരെനാള്‍ ആത്മാര്‍‌ത്ഥമായി അതു കൊണ്ടുനടക്കുകയും ചെയ്തിരുന്നു. “Pen Friends" എഴുത്തുകളിലൂടെ മാത്രം സൌഹൃദം പങ്കുവെച്ചിരുന്ന ആ വിഭാഗത്തെ ഇന്നും കുറച്ചുപേരെങ്കിലും ഓര്‍‌ക്കുന്നുണ്ടാവും എന്നു കരുതുന്നു. പെന്‍ ഫ്രണ്ട്സ് ഇന്നും ഉണ്ടു. അക്കാലത്തും ഇതുപോലെ പറ്റിക്കപ്പെട്ടവരുണ്ട്‌. അതു അധികവും സാമ്പത്തികമായിട്ടണെന്നു മാത്രം. ഇന്റെര്‍‌നെറ്റ് അത്തരം സൌഹൃദത്തിന്റെ സാധ്യതകള്‍ വര്‍‌ധിപ്പിച്ചു എന്നു ഞാന്‍‌ വിശ്വസികുന്നു. അതോടൊപ്പം ചതിയുടെയും, വഞ്ചനയുടെയും അധ്യായങ്ങളും.

girishvarma said...

ഓര്‍കുട്ടിലെ കള്ള നാണയങ്ങളെ എടുത്തു കാട്ടിയതിനു നന്ദി...........

അരുണ്‍ രാജ R. D said...

പരിചയമില്ലാത്ത പെന്കുട്ട്യോള് രാത്രി വീട്ടില്‍ കയറി വരാതിരുന്നാല്‍ മതിയായിരുന്നു...ഇത് വായിച്ചപ്പോള്‍ മുതല്‍ അതാ എന്റെ പേടി..! എങ്കില്‍ വീടിന്റെ വെളിയിലാകാന്‍ ഒട്ടും താമസമില്ലല്ലോ...my god..

നല്ല ബ്ലോഗ് ആയിരുന്നു..

excellent..

ratheesh ok madayi (Kannur) said...

ഓര്‍കുട്ടിലെ ഒരു കള്ളനാണയം... നന്നായിട്ടുന്റ്. ഇത്തരത്തിലു അളുകളെ ചീറ്റ് ചെയ്യുന്ന കഥകളു പുറത്തു വന്നു കൊന്റിരിക്കുകയാണല്ലൊ.. അനുഭവങ്ങൾ എഴുതുക..

നിരക്ഷരൻ said...

ഓര്‍ക്കുട്ടിനെപ്പറ്റി പല അപഖ്യാതികളും കേട്ടിരുന്നു. അന്നൊന്നും വിശ്വസിച്ചില്ല. ജനങ്ങള്‍ എന്തൊക്കെ മാര്‍ഗ്ഗങ്ങളാണ് സ്വീകരിക്കുന്നത് അസന്മാര്‍ഗ്ഗിക പ്രവര്‍ത്തികള്‍ക്ക്. ഈ സംഭവം പങ്കുവെച്ചതിന് നന്ദി.

ജിവി/JiVi said...

നേരില്‍ പരിചയമില്ലാത്ത ആള്‍ക്കാരുമായി ഇന്റര്‍നെറ്റ് വഴി സൌഹൃദം എന്തിനാണെന്ന് ഇതുവരെ മനസ്സിലായിട്ടില്ല.

നമ്മുടെ ചുറ്റിലുമുള്ളവര്‍ - സഹപ്രവര്‍ത്തകര്‍, ബന്ധുക്കള്‍, അയല്‍ക്കാര്‍ എന്നിവരില്‍ നിന്നും നല്ല സൌഹൃദങ്ങള്‍ ഉണ്ടാക്കിയെടുക്കുന്നതില്‍ നമ്മള്‍ പരാജയപ്പെടുന്നുണ്ടോ?

Unknown said...
This comment has been removed by the author.
പാറു/paaru said...
This comment has been removed by the author.
പാറു/paaru said...

ഓര്‍കുടില്‍ ഫ്രണ്ട് റിക്വസ്റ്റ് ബ്ലോക്ക് ചെയ്യാന്‍ പറ്റുന്ന കാര്യം ആര്ക്കും അറിയില്ലേ? സെറ്റിങ്ങ്സില്‍ പോയാല്‍ സുന്ദരമായി റിക്വസ്റ്റ് കണ്ട അണ്ടനും അടകോടനും അയക്കുന്നത് ബ്ലോക്ക് ചെയ്യാം. വിസിറ്റേര്ഴ്സ് ലിസ്റ്റ് നോക്കി നമ്മുക്ക് അറിയാവുന്നവര്‍ക്ക് അങ്ങോട്ട് റിക്വസ്റ്റ് അയക്കാലോ. പിന്നെ, അറിയാമെന്കിലും ഫ്രണ്ട് ലിസ്റ്റില്‍ വേണ്ട എന്നുള്ളവരെ ഒഴിവാക്കാനും സുഖം.

കാട്ടുപൂച്ച said...

ചേച്ചിയെ ഏതാ ഓര്‍ക്കുട്ട് പ്രൊഫൈല്‍ ? ഈ അനിയന്റെ ഒരു സ്ക്രാപ്പ് ഇടനാണെ! ..... :))

നിരക്ഷരൻ said...

അഭിനന്ദനങ്ങള്‍ സ്മിതാ....

ഈ ലേഖനം 2010 ഡിസംബര്‍ 10ന്റെ ബ്ലോഗനയില്‍ വന്നിരിക്കുന്നു.

ഓര്‍ക്കുട്ടില്‍ നിന്ന് പേര് വെട്ടിയ അഞ്ചാറുപേരുടെ കൂട്ടത്തില്‍ നിരക്ഷരന്‍ ന്ന് പറഞ്ഞ ഒരു കക്ഷിയും ഉണ്ടോ ആവോ ? :)

kalu said...

ee lekhanam njan blogana yilaanu vaayichathu.. 2008 il ezhuthiya oru lekhanam aanu ithennu ippozhanu manassilaayath.. 2010 dec 19 le bloggana yil aanu njan ithu vayichathu ennathanu enikee samsayam varaan kaaranam.. valare nannayi orkut le chathikale kurichu ezhuthi.. orkut athikam use cheyyathathu kond enik aa interface ne kurichu athika dharanakal illa.. bt ippol facebook lum twitter lum fake profile kal kondulla upadravangal aere anubhavikkendi vannu.. parichayam illatha aareyum add cheyyathirikkunnathaanu nallathu ..

( chechee ente req accept cheyyoo #chumma :P )

touti said...

have a peek at this web-sitebrowse around this web-site find more infofind this More about the authorvisit homepage